სიჭინავამ აღნიშნა, რომ რუსეთმა და უკრაინამ უკვე წარადგინეს მსგავსი პროექტი უეფაში. ერთობლივი ჩემპიონატის ჩატარების სურვილი აქვთ ბალტიის ქვეყნებსაც.

პროექტის თანახმად, ჩემპიონატის ჩატარებას 50 მილიონი დოლარი დასჭირდება და თითოეული ქვეყნიდან 6-6 გუნდი მიიღებს მონაწილეობას.

აღნიშნულ პროექტს ფედერაციის მსაჯთა განყოფილების ყოფილი ხელმძღვანელი ლევან ფანიაშვილი ხელმძღვანელობს, რომელმაც პოსტი სწორედ ამ ფაქტის გამო დატოვა. როგორც ცნობილია, აზერბაიჯანის ფედერაცია თანახმაა ერთობლივი ჩემპინატის ჩატარებაზე. ამჟამად მიმდინარეობს ყაზახეთის ფედერაციასთან მოლაპარაკებები.