ჩვენმა სამხედროებმა სახელმწიფოს შექმნაში გადამწყვეტი როლი შეასრულეს და ეს გრძელდება- უსუფაშვილი

პოლიტიკა - 13:00, 04 May, 2016

1358

ვაზიანში IV მექანიზირებული ბრიგადის ბაზაზე საქართველოს შეიარაღებული ძალების დაარსებიდან 25 წლისადმი მიძღვნილი საზეიმო ღონისძიება გაიმართა. სამხედრო მოსამსახურეებს ქართული არმიის დღე საქართველოს სამხედრო ძალების უმაღლესმა მთავარსარდალმა, პრეზიდენტმა გიორგი მარგველაშვილმა, პარლამენტის თავმჯდომარე დავით უსუფაშვილმა, თავდაცვის მინისტრმა თინათინ ხიდაშელმა და გენერალური შტაბის უფროსმა, გენერალ-მაიორმა ვახტანგ კაპანაძემ მიულოცეს. პარლამენტის თავმჯდომარის თქმით სამხედროებმა სახელმწიფოს შექმნაში გადამწყვეტი როლი შეასრულეს და ამ როლს დღესაც ასრულებენ:

„ჩვენმა სამხედროებმა, ცხადია სახელმწიფოს შექმნაში, მისი ფუნდამენტის გადამწყვეტი როლი შეასრულეს და ეს როლი გრძელდება. ამ დღეს აღვნიშნავთ სიამაყის განცდით, რადგან ვხედავთ ჩვენი ჯარისკაცების და ოფიცრების წარმატებას, ასევე აღვნიშნავთ იმ პრობლემით, რაც საქართველოს აქვს მოუგვარებელი - ქვეყნის ტერიტორიის ნაწილი არის ოკუპაციის ქვეშ, შესაბამისად, ქართული შეიარაღებული ძალების და ქართული სახელმწიფოს მისია არის შეუსრულებელი, მაგრამ ის აუცილებლად შესრულდება,“ - აღნიშნა დავით უსუფაშვილმა.