პაპუაშვილი არ გამორიცხავს, რომ საკონსტიტუციოს გარშემო განვითარებული მოვლენები „რ2“-ის საქმეს უკავშირდებოდეს

პოლიტიკა - 15:41, 03 May, 2016

2248

ევროსაბჭოს საპარლამენტო დელეგაციის წარმომადგენლები საქართველოს საკონსტიტუციო სასამართლოს თავმჯდომარეს გიორგი პაპუაშვილს შეხვდნენ. შეხვედრა დახურულკარს მიღმა თითქმის ერთი საათი გრძელდებოდა, ევროპარლამენტარებმა პაპუაშვილთან საკონსტიტუციო სასამართლოს ირგვლივ განვითარებული მოვლენები და ის კანონპროექტი განიხილეს, რომელზეც მუშაობა პარლამენტში მიმდინარეობს და რომელიც საკონსტიტუციო სასამართლოს საქმიანობას დამატებით რეგულაციებს უწესებს. შეხევდრის დასრულების შემდეგ მედიასთან განცხადება მხოლოდ გიორგი პაპუაშვილმა გააკეთა:

„ აინტერესებდათ ის მოვლენები, რაც თითქმის ერთი წელია ვითარდება საკონსტიტუციო სასამართლოსთან დაკავშირებით, ის შეტევები რაც იყო საკონსტიტუციო სასამართლოს წინააღმდეგ, მდგომარეობა რაც დღესაა და ის კანონმდებლობა, რომელიც იუსტიციის სამინისტროს მიერ მომზადდა და მიზნად საკონსტიტუციოს კომპეტენციების შეზღუდვას ისახავს.“- განაცხადა პაპუაშვილმა.

მისი თქმით საკონსტიტუციო სასამართლოსთან დაკავშირებით კანონპროექტის მომზადებაში საკონსტიტუციო სასამართლო ჩართული არ ყოფილა. სასამართლოსთან კონტაქტი საკუთარი ინიციატივით მხოლოდ ვახტანგ ხმალაძეს ქონდა, რომელის კომიტეტიც ამ კანონპროექტის წარდგენისას წამყვანი კომიტეტი არც ყოფილა:

„ვახტანგ ხმალაძემ, რომლის კომიტეტიც არ იყო წამყვანი კომიტეტი თავისი ინიციატივით გამოგზავნა კანონპროექტი. ადამიანის უფლებათა დაცვის კომიტეტი და იუსტიციის სამინისტრო ჩაკეტილად მუშაობდა. პირველი პროექტი გამოგვიგზავნეს, რომელიც ყველამ დაიწუნა, მეორე არ გამოუგზავნიათ.“- აღნიშნა პაპუაშვილმა.

საკონსტიტუციო სასამართლოს თავმჯდომარე არ გამორიცხავს, რომ სასამართლოს გარშემო განვითარებული მოვლენები „რუსთავი2“-ის საქმეს უკავშირდებოდეს:

„თვითონაც მაგალითად ამ საქმეებს იხსენებენ.“- განაცხადა პაპუაშვილმა.