რატომ არის 200 ათასიანი სხვაობა საქსტატის და იუსტიციის სიებს შორის

პოლიტიკა - 13:03, 03 May, 2016

1705

საქსტატის მონაცემებით საქართველოს მოსახლეობის რაოდენობა 3 720 400 შეადგენს. იუსტიციის სამინისტროს მიერ გავრცელებული ინფორმაციით კი საქართველოში პოტენციურ ამომრჩეველთა რიცხვი 3 მილიონ 500 ათასი ადამიანს შეადგენს.

200 ათასიან სხვაობას საქსტატის წარმომადგენელი სიების შედგენის სხვადასხვა მეთოდით ხსნის:

„განსხვავება არის იმის გამო, რომ სიების შედგენისას ორი სხვადასხვა მეთოდი გამოიყენება. იუსტიციის სამინისტრომ საარჩევნო სიების მომზადებისას აკვირდება ადამიანებს, რომელთაც აქვთ საქართველოს მოქალაქეობა, ვისაც აქვს არჩევნებში მონაწილეობის უფლება. საქსტატი მუდმივ მოსახლეობას თვლის, რომელიც მუდმივად ცხოვრობს საქართველოს ტერიტორიაზე,“- განაცხადა საქსტატის დირექტორის მოადგილემ, თენგიზ ცეკვავამ.

სერვისების განვითარების სააგენტოს მიერ ცესკო-სთვის 1 მაისის მდგომარეობით გადაცემულ სიაში 3,53 მილიონი პოტენციური ამომრჩეველია. იუსტიციი სამინისტროს განცხადებით, ამ სიაში არიან როგორც საქართველოში, მათ შორის ოკუპირებულ ტერიტორიებზე, მცხოვრები, ასევე საზღვარგარეთ საცხოვრებლად წასული ის სრულწლოვანი პირები, რომლებსაც საქართველოს მოქალაქის სამართლებრივი სტატუსი აქვთ. გადაცემულ სიაში ასევე შედიან ის ამომრჩევლები, რომლებიც რეგისტრირებულნი არიან მისამართის მითითების გარეშე (ე.წ. უმისამართოები, სულ 30 298 პირი).