საქართველოს პრემიერ-მინისტრი გიორგი კვირიკაშვილი, აშშ-ში ფინანსური ინსტიტუტების წარმომადგენლებს შეხვდა. შეხვედრას 15-ზე მეტი წამყვანი ფინანსური ინსტიტუტის წარმომადგენელი დაესწრო. შეხვედრაზე ამერიკული ფინანსური ინსტიტუტების წარმომადგენლები ჯანდაცვის, ტრანსპორტისა და ფინანსების სფეროში ინვესტიციების ჩადებით დაინტერესდნენ.

პრემიერ-მინისტრმა შეხვედრაზე მთავრობის რეფორმების გეგებზე ისაუბრა და საქართველოს, როგორც წამყვანი რეფორმატორი ქვეყნის დიდ პოტენციალს გაუსვა ხაზი.

“საქართველოს მთავრობის უდიდესი მიღწევა, ბოლო რამდენიმე წლის განმავლობაში, არის ქვეყანაში სტაბილურობის განცდის შექმნა ჩვენი მთავარი საგარეო მიზნების დათმობის გარეშე. ვფიქრობ, ეს შესანიშნავია, რომ საქართველოს მისწრაფებები ევროკავშირისა და ნატოს მიმართ თანმიმდევრული რჩება. ჩვენ ბრწყინვალე დინამიკა გვაქვს ევროპულ სტანდარტებთან მიახლოების თვალსაზრისით. საქართველო ასევე ძალიან თანმიმდევრულია ნატოსთან მიმართებით. ჩვენ გაქვს თანამშრომლობის გაფართოებული ფორმატი. რა თქმა უნდა, საქართველოს წევრობა ნატო-ს წევრი ქვეყნების კონსენსუსის საკითხია და ვიმედოვნებთ, მომავალში მეტი შესაძლებლობა იქნება ჩვენი ქვეყნისთვის. ასევე ჩვენი მთავარი სტრატეგიული ვექტორის დათმობის გარეშე, ჩვენ მოვახერხეთ რუსეთთან სტაბილურობის შექმნა, ტემპერატურისა და დაძაბულობის დაწევა მიუხედავად იმისა, რომ ამას არ აქვს დიდი პროგრესი პოლიტიკური განზომილებაში,“ - განაცხადა გიორგი კვირიკაშვილმა.