კახეთში, ყვარელის მუნიციპალიტეტში წყალდიდობაა. ძლიერი წვიმის შედეგად მდინარე ფატმასური ადიდდა, რის გამოც 50-ზე მეტი საცხოვრებელი სახლის პირველი სართულები და სარდაფები დაიტბორა.

მოვარდნილმა წყალმა ადგილობრივებს საყოფაცხოვრებო ტექნიკა და ავეჯი დაუზიანა. მოსახლეობა აცხადებს, რომ მდინარის ადიდების მიზეზი გაუწმენდავი სანიაღვრე არხებია. ადგილობრივების ნაწილი სტიქიას საკუთარი ძალებით უმკლავდება. რამდენიმე ოჯახში კი სახანძრო და სამაშველო ბრიგადებია მობილიზებული, რომლებიც წყლის ამოტუმბვით სამუშაოებს ასრულებენ.

სტიქიის შემსწავლელი კომისია ზარალის დათვლას უახლოეს დღეებში დაიწყებს.