საარჩევნო სისტემის ცვლილებაზე ოპოზიციის პროექტს პარლამენტში მომავალ სხდომაზე უყრიან კენჭს

პოლიტიკა - 13:26, 29 Apr, 2016

826

საარჩევნო სისტემის შეცვლასთან დაკავშირებულ საინიციატივო ჯგუფის მიერ წარდგენილ საკონსტიტუციო ცვლილებებს რეგლამენტის თანახმად პარლამენტში მომავალ პლენარულ სხდომაზე უყრიან კენჭს. ოპოზიციის მიერ წარდგენილ ვარიანტზე საკონონმდებლო ორგანოზე გუშინ თითიქმის ხუთი საათის განმავლობაში მსჯელობდნენ.

არასაპარლამენტო ოპოზიციის ინტერპარტიული ჯგუფის მიერ წარდგენილ 5 პუნქტიან დოკუმენტში ერთ-ერთი მთავარი მოთხოვნა მაჟორიტარული სისტემის ცვლილებაა (ძირითადი ვარიანტი (საჭიროებს კონსტიტუციურ ცვლილებას): პარლამენტის არჩევნები ტარდება ერთიანი პროპორციული სიით 75 მანდატი) და სამხარეო-პროპორციული სისტემით -75 მანდატი; ალტერნატიული ვარიანტი (არ საჭიროებს კონსტიტუციურ ცვლილებას): პარლამენტი აირჩევა ე.წ. MMP სისტემით ანუ: მაჟორიტარული არჩევნები ტარდება ხელისუფლების მიერ შემოთავაზებულ ოლქებში. პროპორციული სისტემით მანდატები ნაწილდება პარტიების მიერ მიღებული ხმების პროპორციულად, მაჟორიტარული წესით უკვე განაწილებული მანდატების გათვალისწინებით.)

ოპოზიცია მაჟორიტარული არჩევნების გაუქმებას 2016 წლის საპარლამენტო არჩევნებისთვის ითხოვს, უმრავლესობა კი მხოლოდ 2016 წლის შემდგომ 2020 წლისთვის.

ინტერპარტიული ჯგუფის მიერ წარდგენილი ცვლილებების პაკეტი გუშინ პარლამენტში ,,ახალი მემარჯვენეების“ ლიდერმა მამუკა კაციტაძემ წარადგინა.

სხდომის პარალელურად, პარლამენტის ფოიეში ინტერპარტიული ჯგუპის წევრებმა ერთგვარი აქცია გამართეს.

მათ საკანონმდებლო ორგანოში პლაკატი მიიტანეს წარწერით: არალეგიტიმური არჩევნები - საფრთხე სახელმწიფოსთვის.

როგორც ცნობილია ინტერპარტიული ჯგუფს სურდა ბანერი სხდომათა დარბაზში შეეტანა, თუმცა მათ ამის საშუალება არ მისცეს, რის შემდეგაც ბანერი ფოიეში გაშალეს სწორედ ამ ბანერის ფონზე გააკეთა განცხადება "ეროვნულ დემოკრატიული პარტიის" ლიდერმა ბაჩუკი ქარდავამ.

შეგახსენებთ, რომ არასაპარლამენტო ოპოზიციამ ცვლილებების განხორციელებისთვის პარლამენტს 200 000 ხელმომწერა რამდენიმე თვის წინ წარუდგინა.