სამართალდამცველთა დანაშაულის გამოსაძიებლად, არასამთავრობო სექტორი კომისრის ოფისის შექმნას ითხოვს

პოლიტიკა - 21:43, 28 Apr, 2016

1283

სამართალდამცველთა მიერ ჩადენილი დანაშაულების გამოსაძიებლად არასამთავრობო სექტორი დამოუკიდებელი სტრუქტურის შექმნას ითხოვს, რომელიც ანგარიშვალდებული მხოლოდ პარლამენტოს წინაშე იქნება. არასამთავრობოების მიერ მომზადებული კანონპროექტის მიხედვით კომისრის ოფისს გამოძიების პარალელურად სისხლისსამართლებრივი დევნის უფლებაც ექნება.

„წლებია ვსაუბრობთ სამართალდამცველების მხრიდან კანონდაღვევაზე და არცერტხელ გამოძიება ბოლომდე არ მისულა და არ ყოფილა ეფექტური. იმისთვის რომ გამოძიება ჰქონდეს ნდობა საჭიროა, რომ დამოუკიდებელი ორგანო იყოს , რომელიც ამას გამოიძიებს.“- განაცხადა“ საერთაშორისო გამჭვირვალობა- საქართველოს“ ხელმძღვანელმა ეკა გიგაურმა.

ახალი საგამოძიებო სტრუქტურის შექმნას მხარს უჭერს „ნაციონალურ მოძრაობა“ და „თავისუფალი დემოკრატები“. ოპოზიციაში მიაჩნიათ, რომ პოლიციელთა მხრიდან მოქალაქეებზე ზეწოლის პრევენცია მოხდება. სტრუქტურის შექმნასთან დაკავშირებით საკუთარი წინადადებები აქვთ რესპუბლიკელებს.

დამოუკიდებელი საგამოძიებო სტრუქტურის შექმნის მომხრეა უმრავლესობის დიდი ნაწილი, თუმცა მმართველი გუნდის ნაწილი სტრუქტურის სრულ დამოუკიდებლობას არ ემხრობა.