საარჩევნო სისტემის რეფორმაზე მსჯელობას დეპუტატები მომავალ სასესიო კვირაში გააგრძელებენ

პოლიტიკა - 20:34, 28 Apr, 2016

1307

დღეს პარლამენტში საარჩევნო სისტემის ცვლილებასთან დაკავშირებით ორი პროექტის განხილვა იგეგმებოდა , თუმცა პლენარულ სესიაზე კანონმდებლებმა მხოლოდ ოპოზიციის მიერ შეთავაზებულ ვერსიაზე იმსჯელეს 2016 წლის არჩევნებისთვის 75 სადეპუტატო მანდატის - პროპორციული წესით, ხოლო 75-ის სამხარეო-პროპორციული წესით გადანაწილებას გულისხმობს.

საკითხზე მსჯელობა საკანონმდებლო ორგანოში მთელი დღის განმავლობაში მიმდინარეობდა, პროექტთან დაკავშირებით შენიშვნები ჰქონდათ როგორც უმრავლესობას, ასევე უმცირესობის დეპუტატებსაც.

მცირე დროის გამო უმრავლესობის მიერ მომზადებულ ვერსიაზე მსჯელობა დრევანდელ სხდომაზე ვერ მოხერხდა. ვიცესპიკერ მანანა კობახიძის განცხადებით საარჩევნო სისტემის რეფორმასთან დაკავშირებით საკონსტიტუციო ცვლილებაზე მსჯელობას დეპუტატები მომავალ სასესიო კვირაში დაუბრუნდებიან და პროექტის განხილვაც , რომლის ავტორიც უმრავლესობაა და რომელიც 2016 წლის შემდგომი არჩევნებისთვის მაჟორიტარული საარჩევნო სისტემის გაუქმებასა და მრავალმანდანტიანი პროპორციული სისტემის ამოქმედებას ითვალისწინებს, მომავალ კვირაში მოხდება.