საქართველოს პრემიერ-მინისტრი გიორგი კვირიკაშვილი სამუშაო ვიზიტით ამერიკის შეერთებულ შტატებში იმყოფება. კვირიკაშვილმა ტელეკომპანია „რუსთავი 2“-ის ირგვლივ მიმდინარე მოვლენებზე კომენტარი გააკეთა და აღნიშნა, რომ ისურვებდა ტელეკომპანიის სარედაქციო პოლიტიკა არ შეიცვალოს:

„ჩემთვის ძალიან მნიშვნელოვანია მედიის თავისუფლება, როგორც მოგეხსენებათ ამ საკითხს ორი განზომილება გააჩნია, ეს არის საკუთრების განზომილება და სიტყვის თავისუფლებისა და დამოუკიდებელი სარედაქციო პოლიტიკის განზომილება.

მე რა თქმა უნდა არ მაქვს უფლება და ვერც ჩავერევი სასამართლო განხილვაში, თუმცა, როგორიც არის მწვავე, ხშირად, მე ვფიქრობ, რომ სიმართლისგან დაშორებული, თუნდაც არაობიექტური, ხშირად შესაძლოა გული გვეტკინოს, რომ ძალიან მნიშვნელოვანი სიუჟეტები შესაძლოა გადაცემების ბოლოს შუქდებოდეს და ასე შენდეგ, არანაირად არ ვისურვებდი, რომ ის სარედაქციო პოლიტიკა, რომელიც დღეს რუსთავი 2-ს გააჩნია რამენაირად შეიცვალოს, განსაკუთრებით არჩევნებამდე, რომ არ მივცეთ არანაირი საშუალება სპეკულაციის, ჩვენს ოპონენტებს. ჩვენ ნამდვილად არ გვჭირდება ეს.

ჩვენ გვჭირდება, რომ დამოუკიდებელმა მედიაკომპანიამ აწარმოოს ის სარედაქციო პოლიტიკა, რომელიც მას მიაჩნია, რომ უნდა აწარმოოს. არანაირად არ ვისურვებდი, რომ რუსთავი 2-ის სტილი რამენაირად შეცვლილი იყოს, კიდევ ერთხელ ვამბობ განსაკუთრებით არჩევნებამდე.

ჩვენ ეს არ გვჭირდება, არ გვჭირდება იმიტომაც, რომ სიმართლე გავაგებინოთ ხალხს და არ მივცეთ საშუალება არავის, რომ ხელზე დაიხვიოს ეს საკითხი და როგორმე პოლიტიკურად გამოიყენოს“, - განაცხადა გიორგი კვირიკაშვილმა თემის კომენტირებისას.