ტელეკომპანია რუსთავი 2-ის გენერალური დირექტორის მოადგილე, ზაალ უდუმაშვილი ამბობს, რომ ხელისუფლება ცდილობს მედია გარემო შეცვალოს საარჩევნოდ და გაასუფთავოს კრიტიკული წარმომადგენლებისგან.

„ბუნებრივია ეს პროცესები წინასაარჩევნო პერიოდს უკავშირდება. ხელიუფლებამ ერთი თვის წინ დაიწყო მედია ლანდშაფტის გასუფთავება, მისთვის არასასურველი ჟურნალისტებისგან, რომელიც დაიწყო ინგა გრიგოლიას გათავისუფლებით, ეკა მიშველაძის გადაცემის დახურვით, შემდეგი იყო რუსთავი 2-ზე დარტყმა, თუმცა, ხელისუფლებისთვის ბუნებრივია ეს რთული აღმოჩნდა, ამ შეტევის პირველი სერია გადავიტანეთ და დარწმუნებული, ვარ რომ შემდეგ სერიებსაც გადავიტანთ“, - განაცხადა ზაალ უდუმაშვილმა.