ხმაური აჭარის უმაღლეს საბჭოში - კვორუმის არარსებობს გამო სხდომა მეხუთედ ჩაიშალა

პოლიტიკა - 12:45, 27 Apr, 2016

952

აჭარის უმაღლეს საბჭოში კვორუმის არარსებობს გამო სხდომა მეხუთედ ჩაიშალა.

დეპუტატებს აჭარის მთავრობის ანგარიშისთვის უნდა მოესმინათ, თუმცა ანგარიშის მოსმენის მეორე მცდელობაც უშედეგოდ დასრულდა.

ოპოზიციამ რეგისტრაციაზე უარი განაცხადა, რადგან ანგარიშის მოსმენას აჭარის ფინანსთა მინისტრისგან მოითხოდა, სხდომაზე მისი მოადგილე გამოცხადდა.

არშემდგარი სხდომა დეპუტატ მედეა ვასაძესა და უმაღლესი საბჭოს თავმჯდომარეს შორის სიტყვიერი შელაპარაკების მიზეზი გახდა.

„ოპოზიციას აქვს ბოიკოტის უფლება, მაგრამ არაფერს ემსახურება ეს, გარდა იმისა, რომ თქვან, აი, რა მაგრები ვართო. ბავშვობაა ეს და არა დეპუტატობა. არც განსაკუთრებული პრობლემა იქმნება ამით. ივნისში პლენარულ სხდომაზე განვიხილავთ ბიუჯეტის შესრულებას“. - განაცხადა ფრაქცია „ქართული ოცნების“ თავმჯდომარემ, ალექსანდრე ჩიტიშვილმა.

უმსაღლესი საბჭოს დეპუტატის მედეა ვასაძის განცხადებით, ავთანდილ ბერიძის უპირველესი დანიშნულებაა სხდომის ჩატარება და და არა იმის გარკვევა, ვინ „ნაციონალია“ და ვინ სხვა პარტიის წარმომადგენელი.

„როდესაც თავმჯდომარე აკეთებს განცხადებას, რომ ჩვენ ვიღაცაზე ან რაღაცაზე მიტმასნილი ადამიანები ვართ, მე ვამბობ, რომ ესენი არიან ხელისუფლების ნარჩენები. ავთანდილ ბერიძის უპირველესი დანიშნულებაა სხდომის ჩატარება და ნუ ითვლის თითებზე, ვინ „ნაციონალია“, ვინ მიტმასნილია და ვინ მოტმასნილი. არ უნდა სხდომის ჩატარება, უხარია, კარგ ხასიათზეა, ხტუნავს კაცი ზამბარასავით, რომ სხდომა არ შედგა“, - აღნიშნა მედეა ვასაძემ.