თბილისის სააპელაციო სასამართლოში, სადაც რუსთავი 2-ის საქმის განხილვა მიმდინარეობს, „ერთიანი ნაციონალური მოძრაობის“ ერთ-ერთი ლიდერი, ირმა ნადირაშვილი იმყოფება. ნადირაშვილმა ჟურნალისტებთან საუბრისას იმედი გამოთქვა, რომ მოსამართლეთა კოლეგია კოლექტიურ ურთმელიძედ არ გადაიქცევა:

„იმედი მაქვს, რომ მოსამართლეთა ეს კოლეგია თავის თავზე არ აიღებს თავისუფალი სიტყვის დამარხვას, ქვეყნის ევროპული მომავლის დასამარებას და არჩევნების ლეგიტიმაციის წინასწარ ეჭვქვეშ დაყენებას. იმედი მაქვს, რომ მოსამართლეთა ეს კოლეგია არ გადაწყვეტს გახდნენ ქალბატონი ურთლემიძეები, რადგან ურთმელიძე დიდიხანია აღარ არის გვარი, ეს არის ზედსართავი სახელი და ნიშნავს უსამართლობას, უტიფრობას და მომავლის არქონას ამ ქვეყანაში“, - განაცხადა ირმა ნადირაშვიმა.