საქართველო პრესის თავისუფლების კუთხით "ნაწილობრივ თავისუფალ" ქვეყნებს შორისაა

საქართველო პრესის თავისუფლების კუთხით "ნაწილობრივ თავისუფალ" ქვეყნებს შორისაა - freedom house

პოლიტიკა - 11:32, 27 Apr, 2016

1491

freedom house-მა მსოფლიოში მედიის თავისუფლებასთან დაკავშირებით წლიური ანგარიში გამოაქვეყნა, რომლის მიხედვითაც საქართველო 199 ქვეყანას შორის საქართველო 96 ადგილზეა და ნაწილობრივ თავისუფალი ქვეყნების რიგშია. ანგარიშის თანახმად ყველაზე თავისუფალი პრესა ნორვეგიაშია. ანგარიშში ყველაზე ცუდი მაჩვენებელი 100 ქულაა, ნორვეგია 9 ქულით პირველ ადგილზეა. ბოლო ადგილზე კი 96 ქულით ჩრდილოეთ კორეაა. საქართველოს მაჩვენებელი კი 49 ქულას შეადგენს, რაც გასული წლის მაჩვენებელზე ერთი ქულით მეტია და გაუარესებას მიანიშნებს.

ანგარიშში საუბარია პრესასთან დაკავშირებით საკანონმდებლო გარემოზე, ამ მხრივ ყველაზე კარგი მაჩვენებელი ანდორას და ლიხტენშტეინს აქვთ. 30 ქულიდან მათ მხოლოს 1 ქულა აქვთ, საქართველოს მაჩვენებელი 13 ქულაა. ყველაზე უარესი მდგომარეობა ამ მხრივაც ჩრდილოეთ კორეაშია, ამ ქვეყანას 30 ქულა აქვს.

პოლიტიკური გარემო პრესისთვის ყველაზე კარგი ნორვეგიაშია, ყველაზე ცუდი მაჩვენებელი აქ 40 ქულაა, ნორვეგიას კი მხოლოდ 3 ქულა აქვს და პირველ ადგილზეა. საქართველოს 20 ქულა, ამ კატეგორიაში ყველაზე ცუდი მაჩვენებელი 40 ქულა ჩრდილოეთ-აღმოსავლეთ აფრიკაში მდებარე სახელმწიფოს ერიტრეას აქვს.

პრესისთვის შექმნილ ეკონომიკურ გარემოში ყველაზე ცუდი მაჩვენებელი 30 ქულაა, ამ მხრივ ყველაზე ცუდი მაჩვენებელი ყაზახეთს აქვს, ყველაზე კარგი მაჩვენებელი კი კვლავ ნორვეგიას 4 ქულა. საქართველოს ამ კატეგორიაში 16 ქულა აქვს.

აღსანიშნავია ის ფაქტი, რომ ანგარიშის მიხედვით პოსტსაბჭოთა ქვეყნებში (ბალტიისპირეთის ქვეყნების გამოკლებით) ყველაზე კარგი მაჩვენებელი საქართველოს აქვს , ყველაზე უარესი კი თურქმენეთს.

საქართველოში 2016 წელს პრესის და სიტყვის თავისუფლება ნაწილობრივ თავისუფლად არის შეფასებული. ინტერნეტის თავისუფლება კი 2015 წლის მონაცემებით თავისუფალი ქვეყნების კატეგორიაში გადის.