ქობულეთის მაცხოვრებლების უმრავლესობა მიიჩნევს, რომ ქვეყანაში მოვლენები არასწორი მიმართულებით ვითარდება და მთავარ პრობლემად უმუშევრობას მიიჩნევენ

ქობულეთის მაცხოვრებლების უმრავლესობა მიიჩნევს, რომ ქვეყანაში მოვლენები არასწორი მიმართულებით ვითარდება და მთავარ პრობლემად უმუშევრობას მიიჩნევენ - კვლევა

პოლიტიკა - 11:02, 27 Apr, 2016

2059

სოციოლოგიური ჯგუფის ”აცეტე“-ს მიერ ქობულეთის მუნიციპალიტეტში ჩატარებული სოციოლოგიური გამოკვლევის შედეგად გაირკვა ადგილობრივი მოსახლეოების მოლოდინი და განწყობა ქვეყნის მთავარი პრობლემების მიმართ და მოსახლოების მატერიალური მდგომარეობის მიმართ, რაც დღეს არსებობს.

ქობულეთის მაცხოვრებლების უმრავლესობას (59 %) მიაჩნია, რომ ქვეყანაში მოვლენები არასწორი მიმართულებით ვითარდება. გამოკითხვის მონაცემებით ქობულეთის მაცხოვრებლების მხოლოდ 7 % (მუნიციპალიტეტის სხვა დასახლებულ პუნქტებში - 10 %) გამოთქვეს მოსაზრება, რომ ქვეყანაში მოვლენები ვითარდება ცალსახად სწორი მიმათულებით, 12 %-ს გაუჭირდა პასუხის გაცემა. რესპონდენტების კიდევ 22 % მიაჩნია, რომ ქვეყანაში სიტუაცია, ძირითადად სწორი მიმართულებით ვითარდება. ამასთან ერთად, ქობულეთის მაცხოვრებლების 38 % მიაჩნია, რომ ბოლო დროს ქვეყანა ვითარდება, ძირითადად არასწორი მიმართულებით, 21 % - ცალსახად არასწორი მიმართულებით. მუნიციპალიტეტის სხვა დასახლებულ პუნქტებში შედეგმა შეადგინა 35 % და 26 % შესაბამისად.

გამოკითხულ რესპონდენტთა მესამედს (33 %) მიაჩნია, რომ მათი ოჯახების მატერიალური მდგომარეობა უახლოეს ერთ წელიწადში არ შეიცვლება. მუნიციპალიტეტის სხვა დასახლებულ პუნქტებში ეს მაჩვენებელი კიდევ უფრო მაღალია - 43 %. გარდა ამისა, 8 % შეადგენს იმათ რიცხვს, ვინც ელოდება, რომ მათი ოჯახის ეკონომიკური მდგომარეობა მეტნაკლებად გაუარესდება. კიდევ 4 % თავისი კეთილდღეობის მკვეთრ გაუარესებას ელოდება (6 % - სხვა დასახლებულ პუნქტებსი).

ქობულეთში რესპონდენტების წილმა, ვინც უახლოეს ერთ წელიწადში მატერიალური მგომარეობის მეტნაკლებად გაუმჯობესებას ელოდება, შეადგინა 29 %, გაცილებით გაუმჯობესებას - 4 %. კიდევ 22 % გაუჭირდა პასუხის გაცემა. ქობულეთის მუნიციპალიტეტის ტერიტორიაზე მცხოვრები მოქალაქეების 70 % მიაჩნია, რომ დასაქმება და უმუშევრობა ქვეყნის საკვანძო პრობლემებია.

გამოკითხვის დროს რესპონდენტები სხვა ეკონომიკურ პრობლემებსაც ასახელებდნენ. კერძოდ, ფასების ზრდა ქობულეთის მაცხოვრებლების 17 % აღნიშნა და მიმდებარე სოფლებში 23 %. ინფლაციის საკითხებს - 16 % და 10 % შესაბამისად. დაბალი ხელფასები და სიღარიბე - რესპონდენტბის 9 % და 6 %. ასევე, სხვა დანარჩენთან, ადგილობრივმა მოსახლეობამ გაიხსენა ისეთი საკვანძო პრობლემებიც ქვეყანაში, როგორიცაა პენსიები - 6 %, ჯანდაცვა - 5 %, ტერიტორიული მთლიანობის საკითები (2 %) და მათთან დაკავშირებული ურთიერთობა რუსეთთან (8 %).

ასევე ცნობილი გახდა, რომ ქობულეთის მოსახლეობის სამი მეოთხედი (75 %) ინტერნეტს იყენებს. მათგან ყოველდღიურად ინფორმაციას იღებენ ქსელიდან - 86 %, კვირაში 2-3-ჯერ - 8 %, კვირაში ერთხელ - 4 %. ქობულეთში გამოკითხულთა 78 % უპასუხეს, რომ იყენებენ სოციალურ ქსელს ფეისბუკს, მათგან ყოველდღიურად 88 %. მუნიციპალიტეტში ფეისბუქის მომხმარებელთა რაოდენობა შეადგენს 75 %, მათგან ყოველდღიურად - 71 %.

ტელეარხებიდან ყველაზე ხშირად უყურებენ ”რუსთავი 2” –ს (37 % ქალაქში) და 46 % სხვა დასახლებულ პუნქტებში. მეორე ადგილზეა ”იმედი” – 30% და 34 % შესაბამისად. მესამე ადგილი აქვს ”მაესტროს” – 6 % და 7 %. რუსეთის არხებს ქობულეთში უყურებს გამოკითხულთა 18 %. დანარჩენი ტელევიზიების წილი შეადგენს 5 % ნაკლებს.

კვლევა ჩატარდა ქობულეთის მუნიციპალიტეტის ტერიტორიაზე 2016 წლის მარტში. გამოკითხვის მეთოდი - პირადი ინტერვიუ. სულ გამოკითხული იყო 1000 მაცხოვრებელი. შერჩევის ბაზისთვის გამოყენებული იყო განახლებული საარჩევნო სიები.