"ქართული ოცნების" ზოგიერთი არც თუ ნორჩი ლენინელი და სტალინელი გვიქმნის პრობლემას

"ქართული ოცნების" ზოგიერთი არც თუ ნორჩი ლენინელი და სტალინელი გვიქმნის პრობლემას - უსუფაშვილი

პოლიტიკა - 18:46, 26 Apr, 2016

1830

პარლამენტის თავმჯდომარე, დავით უსუფაშვილი ბრიუსელში შეხვედრებს მართავს. მისი თქმით ოფიციალურ შეხვედრებზე საუბრის მთავარი თემა ვიზალიბერალიზაციაა.

"საქართველოს მთავარობამ, პარლამენტმა ყველაფერი გააკეთა, ახლა ჯერი ევროკომისიაზეა. რაც შეეხება უშუალოდ პროცესს იგი მიმდინარეობს კარგად თუმცა არის სამი მცირე პრობლემა. რომელსაც გათვალისწინება სჭირდება. პირველი არის გეოპოლიტიკური ვითარება, რაც შექმნილია რეგიონში და ზოგადად ევროპაში და ის კრიზისი გამოწვეულია არა საქართველოს ,მიერ რა თქმა უნდა ახდენს გავლენას მიმდინარე პროცესებზე მაგრამ ეს გავლენა შეიძლება გამოიხატოს მხოლოდ დროზე და არა შინაარსზე. მეორე პრობლემა რაც გვაქვს ეს არის ყოფილი ხელისუფლების, სააკაშვილის გუნდის ერთი ნაწილის მცდელობა, რომ ევროპარლამენტში, კერძოდ სახალხო პარტიის ერთ ნაწილთან ჰქონდეთ იმ ტიპის შეთანხმება, რომ ვიზალიბერალიზაციის საკითხი მიებას საქართველოში ნაციონალური მოძრაობის ინტერესებს. მესამე მცირე პრობლემა ჩვენ გვაქვს არის ის რომ "ქართული ოცნების" ზოგიერთი არც თუ ნორჩი ლენინელი და სტალინელი მართლა გვიქმნის პრობლემას, იმიტომ რომ ბევრი მათი განცხადებები გვხვდება აქ როგორც ხელისუფლების წარმომადგენელთა განცხადება. ჩვენი ამოცანაა ამ მცირე საკითხს სათანადოდ გაუმკლავდეთ" - აღნიშნა პარლამენტის თავმჯდომარემ.

მისი თქმით, ამ პრობლემების მოსაგვარებლად კიდევ მეტია გასაკეთებლი.

„მეტია გასაკეთებელი, რომ აქ ყველამ მკაფიოდ დაინახოს, არცნთუ ნორჩი ლენინელ - სტალინელების განცხადებები, ეს არის მათი ინდივიდუალური მოსაზრებები და არ გამოხატავს პარტია ქართული ოცნების, თუ სახელისუფლო პარტიის მოსაზრებებს.

ჩვენ გვქონდა ძალიან საინტერესო შეხვედრები ევროპის სახალხო პარტიის ლიდერებთან, მათ შორის საგარეო ურთიერთობათა კომიტეტის ხელმძღვანელთან, "სახალხო პარტიის" წარმომადგენელთან ბატონ ბროკთან, რომელმაც სრულიად ცალსახად განაცხადა, რომ იგი არანაირ სხვა საკითხს არ უკავშირებს ვიზალიბერალიზაციის პროცესს და პირადად მთხოვა, რომ თუ რაიმე პრობლემები გაჩნდება, შევატყობინოთ. მას აქვს გარკვეული მოსაზრებები ქვეყანაში მიმდინირაე პროცესებთან დაკავშირებით, მაგრამ ის არაფერს არ უკავშირებს ვიზალიბერალიზაციის თემას. განსხვავებით“ ნაციონალური მოძრაობის“ და მათი მხარდამჭერი „ევროპის სახალხო პარტიის“ ერთი ნაწილისგან"- განმარტა საქართველოს პარლამენტის თავმჯდომარემ.