ოკუპანტებმა წითელუბნიდან მწყემსების გატაცება სცადეს

პოლიტიკა - 17:55, 25 Apr, 2016

1483

შეიარაღებულმა რუსმა ოკუპანტებმა სოფელ წითელუბნიდან ამ ჯერად ორი მწყემსის გატაცება სცადეს. აღნიშნულის შესახებ ,,ნიუპოსტის" კორესპონდეტს, წითელუბნის მცხოვრებლებმა განუცხადეს. ადგილობრივი მკვიდრი ზინა ბოლოთაშვილი ამბობს, რომ მწყემსები პირუტყვს ე.წ. საზღვართან ახლოს აძოვებდნენ, რა დროსაც შეიარაღებული ფორმიანები გამოჩნდნენ და მათი დაკავება სცადეს, თუმცა ორივემ გამოქცევა შეძლო. სოფელში ჰყვებიან, რომ მესაქონლეობა მათი ერთადერთი შემოსავალია და თუ საოკუპაციო რეჟიმის მხრიდან მსგავსი ინციდენტები სისტემატიურ სახეს მიიღებს, საქონლის გაწყვეტა მოუწევთ. წითელუბნელებმა საძოვრების დიდი ნაწილი მას შემდეგ დაკარგეს რაც გასულ წელს, საოკუპაციო რეჟიმმა პირობითი საზღვარი გადმოწია და სოფელთან ახლოს ბანერები დაამონტაჟა. მოსახლეობა, საკუთარ მიწის ნაკვეთებში მუშაობისაგანაც თავს იკავებს, რადგან არ არის გამორიცხული რომ ოკუპანტებმა გამყოფი ხაზი თავადვე გადმოკვეთონ და გლეხები საკუთარი ნაკვეთებიდან გაიტაცონ. გატაცების ბოლო შმთხვევა სოფელში 23 აპრილს მოხდა, რუსმა ფორმიანებმა არასრულწლოვანი ქართველი სამართალდამცველების კონტროლირებადი ტერიტორიიდან გაიტაცეს. ის სოფლის მსხვილფეხა პირუტყვს მწყემსავდა. ლაშა თვაურს სავარაუდოთ დღეს გაათავისუფლებენ.