დღეს პარლამენტის ბიუროს სხდომაზე უნდა დარეგისტრირდეს მმართველი კოალიციის ინიციატივა საკონსტიტუციო ცვლილებების შესახებ, რომელიც მაჟორიტარული სისტემის გაუქმებას 2020 წლიდან ითვალისწინებს.

ცვლილებას 113 დეპუტატის მხარდაჭერა სჭირდება, ოპოზიცია კი მას მხარს არ უჭერს და ხელისუფლებას შანტაჟსა და საზოგადოების შეცდომაში შეყავნაში ადანაშაულებს.

„ეს ცვლილებები არ ეხება 2016 წელს, ეს ეხება 2020 წელს, არის ძალიან ბუნდოვანი, ტოვებს საშუალება, რომ ინტერპრეტაცია გავაკეთოთ ისე, რომ ფაქტობრივად ამ სისტემაზე ვრჩებით, ეს ცვლილებები მოიხარშა მხოლოდ უმრავლესობაში, არც საზოგადოებასთან, არც არასამტავრობო სექტორთან, არც ოპოზიციურ პარტიებთან არავითარი კონსულტაციები არ ჩატარებულა“, - განაცხადა ლევან თარხნიშვილმა.