მიზანია, რაც შეიძლება ნეგატიურად წარმოჩნდეს იუსტიციის უმაღლესი საბჭო

მიზანია, რაც შეიძლება ნეგატიურად წარმოჩნდეს იუსტიციის უმაღლესი საბჭო - გოცირიძე NGO-ების ანგარიშზე

პოლიტიკა - 15:01, 25 Apr, 2016

1713

იუსტიციის უმაღლესი სამჭოს წევრის ევა გოცირიძის თქმით, იუსტიციის უმაღლესი საბჭოს მუშაობასთან დაკავშირებით არასამთავრობო ორგანიზაციების შეფასება არის მეტად ტენდენციური და მრავალ არაზუსტ ინფორმაციას შეიცავს:

„შთაბეჭდილება დამრჩა, რომ ანგარიში მიზნად ისახავს, რაც შეიძლება მძიმე სურათი იყოს წარმოჩენილი საბჭოს საქმიანობასთან დაკავშირებით და რაც შეიძლება ცუდად და ნეგატიურად წარმოჩნდეს იუსტიციის უმაღლესი საბჭო. ამის მიზეზი რა არის, ძალიან კარგად ვიცით და თავს ნუ მოვიტყუებთ. ეს არ დაწყებულა ახლა, ჩვენ ყველაფერი ვიცით. მე ვერ ვნახე ამ ანგარიშში დადებითი ელემენტები, გარდა უმნიშვნელო საკითხებისა, მაშინ, როდესაც ბევრი დადებითი გქონდათ სათქმელი"- განაცხადა ევა გოცირიძემ.

სასტუმრო ”ჰოლიდეი ინ”-ში საქართველოს ახალგაზრდა იურისტთა ასოციაციამ და ”საერთაშორისო გამჭვირვალობა - საქართველომ” იუსტიციის უმაღლესი საბჭოს საქმიანობის მონიტორინგის 2015 წლის ანგარიშის პრეზენტაცია გამართეს, რომელსაც იუსტიციის უმაღლესი საბჭოს წევრებიც ესწრებოდნენ. არასამთავრობო ორგანიზაციებმა ერთობლივი დოკუმენტიც გამოაქვეყნეს, სადაც გასულ წელს იუსტიციის უმაღლესი საბჭოს საქმიანობაა შეფასებული.

როგორც სამოქალაქო სექტორის წარმომადგენლებმა განმარტეს, მონიტორინგის შედეგებმა აჩვენა იუსტიციი უნაღლესი საბჭოს მუშაობის ხარვეზები - მოსამართლეთა შერჩევა-დანიშვნის და გადაყვანის პროცესი არ იყო გამჭვირვალე.

არასამთავრობო ორგანიზაციები ფიქრობენ, რომ აღნიშნულ საკითხებზე მიღებული გადაწყვეტილებების ობიექტურობა ეჭვქვეშ დგება, ასევე საბჭოში არ იყო ისეთი პლურალისტური გარემო, როგგორიც წინა საანგარიშო პერიოდში.