დღეს ბიუროზე „ერთიანი ნაციონალური მოძრაობა“ მესამედ დააყენებს სახელმწიფო უსაფრთხოების სამსახურის უფროსის პარლამენტში მისვლის საკითხს. საპარლამენტო უმცირესობისთვის გაუგებარია თუ რატომ ჭიანურდება კანონით გათვალისწინებული ანგარიშის მოსმენა.

მმართველი გუნდის წევრების განცხადებით კი ვახტანგ გომელაური მზად არის წარსდგეს 2015 წლის ანგარიშით, თუმცა როდის, ეს არ არის ცნობილი.

„პარადოქსულია, რომ სუს-ის უფროსის მოსვლა პარლამენტში გადაიდო იმის გამო, რომ უმრავლესობამ კვორუმი ვერ შეკრიბა ასეთ მნიშვნელოვან საკითხზე. სუს-ი არის პოლიტიკური პოლიცია, ეს არის პოლიტიკური ოპოზიციის დევნის ინსტრუმენტი, ის არ მუშაობს ქვეყნის უსაფრთხოებაზე, ის არ მუშაობს ქვეყანაში უსაფრთხოების მხრივ პრობლემების აღმოფხვრაზე. ის მუშაობს მხოლოდ ოპოზიციის დევნაზე. რა თქმა უნდა როდესაც არ უნდა მოვიდეს გომელაური, სურათი საპარლამენტო განხილვის დროს ნათლად გამოჩნდება“, - განაცხადა გიორგი გაბაშვილმა.