„ამოიტანონ კუბოები და ჩაგვაწვინონ შიგ მთელი სოფელი“- საპროტესტო აქცია ლაითურში

პოლიტიკა - 17:33, 23 Apr, 2016

4127

„ამეიტანონ კუბოები და ჩაგვაწვინონ შიგ მთელი სოფელი“- საპროტესტო აქცია ლაითურში „სანამ ეს ტყიულების პარტია იქნება ამ ქვეყანას არაფერი არ ეშველება“ დაბა ლაითურის პირველი და მეორე რაიონის მოსახლეობამ სასმელი წყლისა და ბუნებრივი აირის მოთხოვნით, საავტომობილო გზა გადაკეტა. აქციის მონაწილეები სოფელში სასმელი წყლის, ბუნებრივი აირის პრობლემის გადაჭრას, ასევე, სასოფლო სამეურნეო დანიშნულების მიწების კერძო საკუთრებაში გადაცემასა და გზის შეკეთებას მოითხოვენ. როგორც აქციის მონაწილეები აცხადებენ, სოფელში გაუსაძლისი პირობებია და ცხოვრება პრაქტიკულად შეუძლებელია.
„26 წელის წყლის გაყვანას ვითხოვთ, გაზი აქ არ არის, წყალი და საარსებო პირობები, ამეიტანონ კუბოები და ჩაგვაწვინონ შიგ მთელი სოფელი. არცერთ ხელისუფლებას ასე არ აგდია მოსახლეობა, როგორც ბიძინამ ქნა. მათი მხარდამჭერი ვიყავი და ვაცხადებ, ესენი არიან მატყუარა ხალხი. პირველი და მეორე რაიონს მოსახლეობა ამ არჩევნებზე არ მივდივართ. ყელში ამოგვივიდა ამათი ტყუილები და დაპირებები. ორი ბრიგადა ერთადერთი ჭის იმედზე ვართ. ბიძინა ივანიშვილს ურეკში წყალი ლაითურიდან მიჰყავდ და ჩვენ უწლოდ ვართ დარჩენილი. იქ თუ მიჰყავთ წყალი ჩვენს სოფელშიც შემოიყვანონ, მასხრად აგვივგდეს. მდინარით ვსარგებლობდით და იქაც აგვიკრძალეს ჩასვა, ჯარიმების დაწერა დაიწყეს, ბუნებრივი სიმდიდრით არ ისარგებლოთო. მტვერში ვიხჩობით, ბავშვები დაავადებულები არიან. ევროპაში შევდივართო და უწყლოდ ვიხოცებით, ასე აპირებენ ევროპაში შესვლას?! „უბედურების სოფელი“ დაგვარქვა ამ ხელისუფლებამ, სიმართლეს რომ ვამბობთ, იმიტომ ვართ უბედურები?!“- აცხადებს ადგილობრივები.
საპროტესტო აქციაზე, „პატრიოტთა ალიანსის“ ადგილობრივი ლიდერებიც იმყოფებოდნენ, რომლებმაც შეკრებილ მოსახლეობას მხარდაჭერა აღუქვეს. „ეს პროტესტი შეეხება იმ მძიმე რეალობას, რაც მოსახლეობას აწუხებს. აქ მწვავედ დგას როგორც გზის, ასევე წყლის პრობლემა. აქ გადის ცენტრალური მაგისტრალი და არ შემოუყვანიათ ბუნებრივი აირი. დაწყბულია წყლის მილების მოტანა და მიმართულება შეუცვალეს წყლის პროექტს და აქედან დაიწყეს წყლის გაყვანა ურეკის მიმართულებით. ეს ხდება მაშინ, როდესაც ამ ადამიანებს წლების განმავლობაში აწუხებთ ეს პრობლემა.“ - განუცხადა „გურიის მოამბეს“ „პატრიოტთა ალიანსის“ ლიდერმა ოზურგეთში, შოთა გოგიბერიძემ.