,,თუ ჩიორამ ეს თქვა, ბოდიშის მოხდა მოუწევს“ - კვაჭანტირაძე სავჩენკოს მხარდაჭერის ფაქტს აქვეყნებს

სოც.მედია - 12:52, 22 Apr, 2016

4510

საპარლამენტო უმცირესობის წევრი ჩიორა თაქთაქიშვილის თქმით, ევროსაბჭოში ქართული ოცნების არცერთმა წარმომადგენელმა სავჩენკოს გათავისუფლებას მხარი არ დაუჭირა. ამის შესახებ დეპუტატი ფეიქბუქის გვერდზე წერს და იქვე სახელობითი კენჭისყრის შედეგების ბმულს აქვეყნებს.

,,მორიგი სამარცხვინო საქციელი! ქართული ოცნების ა რ ც ე რ თ ი წარმომადგენელი არ დაესწრო დღეს უკრაინის შესახებ უმნიშვნელოვანეს დებატებს ევროსაბჭოში და არცერთმა მათგანმა არ დაუჭირა მხარი ევროსაბჭოს მოწოდებას წევრი სახელმწიფოებისადმი, რომ სანქციები დაუწესონ სავჩენკოს და სხვა უკრაინელების უკანონო დაკავებაში გარეულ რუს მოხელეებს.

აქ არის კენჭისყრის შედეგები“ - წერს დეპუტატი.

ჩიორა თქათქიშვილის ბრალდებას პასუხობს უმრავლესობის წევრი ზვიად კვაჭანტირაძე და კოლეგის ბრალდებას ტყუილს უწოდებს:

"ეს ტყუილია. ყველა იქ ვიყავით, ყველა ფეხზე ავდექით პროტესტის ნიშნად და მე პირადად მეჭირა იგივე პლაკატი ხელში. თუ ჩიორამ ეს ნამდვილად თქვა, მას ბოდიშის მოხდა მოუწევს. აი ასე იტყუება ჩიორა. სამარცხვინოა ასე აგდება ხალხის.სამარცხვინო !! შეურაცხმყოფელია. მე არ მაქვს ხმის მიცემის უფლება, ამიტომ პროტესტი გამოვხატე იმ მაქსიმალური ფორმით, რითაც შემეძლო. ხმის მიცემის დროს შეიძლება დარბაზში ძალიან ბევრი აქტიური მომხრეც არ იყოს, მაგრამ ყველამ იცის, რომ სავჩენკოს საქმეზე წინააღგმდეგი, პრაქტიკულად, არავინაა. ჩვენ სულ 5 ხმა გვაქვს. აქედან 2 ოპოზიციას ეკუთვნის. დანარჩენები ( substitute members) ხმის უფლებით ვერ ვსარგებლობთ. თავად ნახეთ. ასამბლეაში რამდენი წევრია, რამდენი ქვეყნიდან..... ხმის მიცემის დროს კი უფლებამოსილმა 65 წევრმა მისცა მხოლოდ ხმა. თუმცა სხვებმა პროტესტი აქტიურად გამოვხატეთ. აი ბატონო, კიდევ ერთი საერთო ხედიდან გადაღებული ფოტო აღმოვაჩინე, სადაც, თუ გაადიდებთ ჩვენც აღმოგვაჩენთ, სხვებთან ერთად, ფეხზე ადგომით და ხელში პლაკატით #freeSavchenkoპროტესტს გამოვთქვამთ საჯაროდ. ჩართვებიც გვქონდა ამ თემაზე და ადრე, სიტყვით გამოვსულვარ სავჩენკოს გათავისუფლების მოთხოვნით და ა.შ." - წერს უმრავლესობის დეპუტატი.