,,მოვუწოდებთ აშშ-ის ფინანსთა სამინისტროს და დასავლურ ბანკებს გაყინონ ივანიშვილის ანგარიშები”- კონგრესმენი რასელი

პოლიტიკა - 11:25, 22 Apr, 2016

2621

აშშ-ის კონგრესსი საქართველოში არსებულ მდგომარეობაზე და მომავალ არჩევნებზე ისაუბრეს. რესპუბლიკელმა კონგრესმენმა სტივ რასელმა საქართველოს ექს პრემიერი ბიძინა ივანიშვილი გააკრიტიკა და მისი ანგარიშების გაყინვა მოითხოვა. კონგრესმენის თქმით ივანიშვილი საქართველოს ხელისუფლებაზე გავლენას კვლავ ინარჩუნებს და ის რუსეთისადმი ლოიალური და პუტინის მოკავშირეა. კონგრესმენმა ბარაკ ობამას მოუწოდა, ყურადღებით დააკვირდეს საქართველოში 2016 წლის შემოდგომაზე დაგეგმილ არჩევნებს, რადგან მისი თქმით, რუსეთი პრორუსული ძალების პოპულარიზაციას ახდენს და შესაძლოა ქვეყანა რუსეთის გავლენის ქვეშ მოექცეს.

„ოქტომბერში საქართველოში არჩევნები გაიმართება, რომელიც გადაწყვეტს იქნება თუ არა საქართველო თავისუფალი ქვეყანა, გააგრძელებს თვითგამორკვევის გზას თუ დათმობს პოზიციებს რუსი ოლიგარქის და რუსეთის დომინირების წინაშე. რუსეთი ჩვეული გეგმით ცდილობს პოლიტიკურ პროცესებში ჩარევას იმ იმედით რომ საქართველოში პრორუსული ხელისუფლება იქნება. ამ პოლიტიკურ პროცესში მთავარი მოქმედი პირი ვლადიმერ პუტინის ახლო მოკავშირე ოლიგარქი ბიძინა ივანიშვილია. მისი მიზანი საარჩევნო პროცესებში ჩარევაა, ხმების ყიდვისა და პოლიტიკური ოპონენტების დასჯის გზით. ასევე მისი მიზანია ქვეყნის ადმინისტრაციული და პოლიტიკური რესურსების გამოყენებით არჩევნებზე ზეგავლენის მოხდენა. არსებობს ინფორმაცია, რომ საარჩევნო კომმისიიის უდიდეს ნაწილს ივანიშვილი აკონტროლებს. ქართველი ხალხი გამოწვევის წინაშე დგას თავისუფალი არჩევნების ჩატარების თვალსაზრისით. ქართველ ხლხს დამოუკიდებლობის შენარჩუნება სურს და არსებობს მარტივი ნაბიჯები, რომლის გადდგმით ჩვენ შეგვიძლია დავეხმაროთ საქართველოს. მოვუწოდებთ აშშ-ის პრეზიდენტს დაეხმაროს საქართველოს საარჩევნო პროცესების მონიტორინგის თვალსაზრისით, მოვუწოდებთ აშშ-ის ფინანსთა სამინისტროს და დასავლურ ბანკებს გაყინონ ივანიშვილის ანგარიშები. ასევე მოვუწოდებთ სახელმწიფო დეპარტამენტს საქართველოს იმ თანამდებობის პირებს, რომლებიც თავისუფალი საარჩევნო პროცესში ჩარევის მიმართ გულგრილნი იქნებიან გაუუქმდეთ აშშ-ის ვიზები. დასავლურ მედიას კი მოვუწოდებთ დააკვირდეს საქართველოში მიმდინარე მოვლენებს, რადგან ამ ქვეყნისთვის ეს შესაძლოა თავისუფლების უკანასკნელი თვეები იყოს“- განაცხადა კონგრესმენმა სტივ რასელმა.