„რამდენად კმაყოფილი ხართ იმ სასამართლო რეფორმით, რომელიც იქამდე მივიდა, რომ სასამართლოს სახე მოსამართლე გახდა, რომლის გადაწყვეტილებაზეც ევროსასამართლომ არა ერთი საწინააღმდეგო პოზიცია დააფიქსირა?“, - ეს კითხვა საქართველოს პრემიერ-მინისტრს ევროსაბჭოს საპარლამენტო ასამბლეაზე კითხვა-პასუხის რეჟიმში „თავისუფალი დემოკრატების“ წარმომადგენელმა, ირაკლი ჩიქოვანმა დაუსვა.

„ზოგადად ბოლომდე კმაყოფილი რეფორმით ვერავინ იქნება, მაგრამ ყველაფერი შედარებითია და თუ ჩვენ შევადარებთ არსებულ და 4 წლის წინანდელ სისტემას, პროგრესი აშკარაა. რა თქმა უნდა შეიძლება არსებობდნენ მოსამართლეები, რომლებიც წინა სისტემის ნაწილს წარმოადგენდნენ, მაგრამ წარმოიდგინეთ რა ბრალდებები იქნებოდა ოპოზიციის მხრიდან, თუ ჩვენს სისტემას ყველა მოსამართლისგან გავწმენდდით. ჩვენ ამას არ ვაკეთებთ, რა თქმა უნდა სისტემა იდეალური არ არის, მაგრამ წინ მივდივართ და პროგრესი არა ერთმა საერთაშორისო ორგანიზაციამ აღნიშნა“, - განაცხადა გიორგი კვირიკაშვილმა ჩიქოვანის კითხვის პასუხად.