დაიწევს თუ არა საარჩევნო ბარიერი - ევროპარლამენტარების კითხვა გიორგი კვირიკაშვილს

პოლიტიკა - 18:29, 21 Apr, 2016

1876

პრემიერ-მინისტრმა გიორგი კვირიკაშვილმა ევროსაბჭოს საპარლამენტო ასამბლეის წინაშე გამოსვლისას ევროპელი დეპუტატების კითხვებსაც უპასუხა. დეპუტატები დაინტერესდნენ იმით, თუ რას აკეთებს საქართველოს მთავრობა იმისთვის, რომ საარჩევნო გარემო გაუმჯობესდეს და რატომ არ განხორციელდა ძირეული რეფორმა საარჩევნო კოდექსის და რატომ არ მოხდა ვენეციის კომისიის რეკომენდაციების გათვალისწინება. აღნიშნულ კითხვებზე პასუხად გიორგი კვირიკაშვილმა განაცხადა, რომ მმართველ და ოპოზიციურ პარტიებს შორის არსებობს პოლიტიკური შეთანხმება, რომ 2020 წელს მაჟორიტარული სისტემა შეიცვლება. კვირიკაშვილის თქმით, არჩევნებამდე 6 თვით ადრე რთული იქნება საარჩვენო სისტემის მთლიანად პროპორციულ სისტემაზე დარეგულირება. სწორედ ამიტომ, მთავრობა მხოლოდ ნაწილობრივ დათანხმდა ოპოზიციური პარტიის ინიციტიავას.

„საარჩევნო კანონმდებლობაში ცვლილებების რამდენიმე სერია განხორციელდა. პრემიერის პოსტის დაკავების შემდეგ დავიწყე მოლაპარაკებები ოპოზიციასთან. ორი დღის წინ ჩვენ წარვადგინეთ საარჩევნო კოდექსში შესატანი მნიშვნელოვანი ცვლილებები, რაც საარჩევნო პროცესს უფრო ინკლუზიურს გახდის, პოლიტიკურ პარტიებისთვის ბარიერს დაწევს, ასევე ოპოზიციური პარტიებისთვის შეამცირებს სახელმწიფო ბიუჯეტიდან დაფინანსების მიღების ბარიერს. შევთანხმდით, რომ 2020 წლისთვის მაჟორიტარული და პროპორციული სისტემები შეიცვლება. არჩევნებამდე 6 თვით ადრე რთული იქნება სისტემის მორგება ახალ პროპორციულ სისტემასთან“- განაცხადა გიორგი კვირიკაშვილმა. მის თქმით, პროცესი დასრულებული არ არის და მოლაპარაკებები გრძელდება.