საქართველოს პრემიერ-მინისტრის გამოსვლას ევროსაბჭოს საპარლამენტო ასამბლეაზე დეპუტატები აფასებენ. ეკა ბესელიას განმარტებით, კვირიკაშვილის სიტყვამ ოპონენტებს მანიპულაციის საფუძველი აღარ დაუტოვა:

„პირდაპირი, ნათელი, ძალიან გულწრფელი და მკაფიო, რეალური, დამაჯარებელი, მე ვფიქრობ, რომ არავითარი მანიპულაციის საფუძველი არ დარჩათ ჩვენს ოპონენტებს და არანაირი სივრცე აღარ დარჩა იმისათვის, რომ რეალობა სრულებით საპირისპიროდ წარმოაჩინონ. პრემიერმა დატოვა ძალიან დადებითი შთაბეჭდილება ჩვენს კოლეგებში“, - განაცხადა ეკა ბესელიამ.

დღეს 14:00 საათზე საქართველოს პრემიერ-მინისტრი ევროსაბჭოს საპარლამენტო ასამბლეაზე სიტყვით გამოვიდა. დაახლოების 25 წუთიანი სიტყვა პრემიერმა საქართველოს ევროპულ მისწრაფებებზე, ხელისუფლების მიერ გატარებულ რეფორმებსა და ქვეყანაში შექმნილ ვითარებებზე საუბარს დაუთმო. კვირიკაშვილმა ასევე ისაუბრა რუსეთის მხრიდან ოკუპირებული ტერიტორიებისა და მცოცავი ანექსიის შესახებ.