საქართველოს პრემიერ-მინისტრი ევროსაბჭოს საპარლამენტო ასამბლეაზე სიტყვით გამოდის. გიორგი კვირიკაშვილი ევროპარლამენტარების წინაშე საქართველოში არსებულ მდგომარეობაზე და განხორციელებულ და დაგეგმილ რეფორმებზე ისაუბრა. ამასთანავე პრემიერმა იმ მიღწევებსაც გაუსვა ხაზი, რაც საქართველოს ევროინტერგრაციის გზაზე აქვს:

„დღეს მე აქ ვარ იმისათვის, რომ საქართველოს პოზიცია დავაფიქსირო. დღეს როდესაც ეჭვქვეშ დგას საზოგადო პოზიციები, საქართველომ არჩევანი გააკეთა, ჩვენ გამოვიარეთ დიდი გზა თავისუფალი ევროპისაკენ. საქართველო გახდა ევროსაბჭოს წევრი, რამდენიმე დაწესებულება, რომლებიც გამოხატავენ ევროპის ერთიანობას და თავისუფლებას, მათგან ერთერთი ევროპის საბჭოა, ამ ორგანიზიაცების გაწევრიანებით გავხდით ევროპის კლუბის ნაწილი. ჩვენ ვინარჩუნებს ჩვენს ისტორიულ ფესვებს, ევროპელობა არ გულისხმობს მხოლოდ გეოგრაფიულ ასპექტს, ეს უსაფრთხოების, ღირსების, თავისუფლების შეგრძნებაა, რომელიც საზოგადოების დაკვეთას ასახავს. ჩემი სახელმწიფო ვერ იქნება თავისუფალი თუ მოქალაქეებს ღირსეულად ცხოვრების საშალება არ ექნებათ, მათი უფლებები დაცული უნდა იყოს. ჩვენ ვქმნით სოციალურ კონტრაქტს, რომელიც ევროპული ხარისხის შეთანხმებაა. ჩვენ მივდივართ წინ მიუხედავად პრობლემებისა. 2012 წლამდე ხდებოდა რეჟიმების შეცვლა, მაგრამ არა არჩევნების გზით, 2012 წელს მოხდა ხელისუფლების მშვიდობიანად გადაცემა, ჩატარდა თავისუფალი არჩევნები, წელს კი ჩატარდება თავისუფალი საპარლამენტო არჩევნები. ჩვენ გვჭირდება მშვიდობიანი არჩევნები, რომლის შედეგებიც პროგნოზირებადი არ უდა იყოს, სადაც არ ხდება კონტროლი და ცენზურა ახალ ამბებზე.

არჩევნები რომლებიც გაიმართება უნდა იყოს გამჭვირვალე, თანაბარ გარემოში გამართული, გვსურს აღიაროთ შედეგები მიუხედავად იმისა თუ რა იქნება. ჩვენ ვაგრძელებთ სვლას. ჩვენ მაქსიმალური მიზანსწრაფულობით მივისწრაფით დასახული მიზნებისაკენ.

ჩვენ გვაქვს გამოცდილება რეფორმების, ხარიხის დადების თვალსაზრისით, შევასრულეთ ვიზალიბერალიზაციისთვის დასახული მოთხოვნები. თითოეული მოქალაქისათვის მოსახერხებელი და საამაყოა, როცა შეეძლებათ ევროპის მასშტაბით დაუბრკოლებად მოძრაობა. ეს არის ჩვენი დაბრუნება ევროპაში დამოუკიდებლობის პერიოდის შემდგომ.“- განაცხადა გიორგი კვირიკაშვილმა.