სასტუმრო „ჰოლიდეი ინში“ „რესპუბლიკური პარტიის“ თბილისის აქტივის შეკრება მიმდინარეობს. ჟურნალისტებთან საუბრისას პარტიის წარმომადგენელმა, დავით ბერძენიშვილმა აღნიშნა, რომ რესპუბლიკელები საარჩევნოდ წამყვანი პოლიტიკური პირების იმედადაც არიან:

„რთული პროცედურული ამბები წინ გვაქვს. ჯერ ამ პროცედურებზე შეჭიდება ადრეა. რესპუბლიკელი მინისტრები არიან კარგი მინისტრები და მუშაობენ. რესპუბლიკელი თანამდებობის პირები არიან კარგი პარლამენტარები და მუშაობენ. ჯერ გრძელდება ისე, როგორც არის. ჩვენ გვაქვს გაცხადებული გადაწყვეტილება, რომ გადაწყვეტილებებს მივიღებთ საკუთარი პოლიტიკური დღის წესრიგით. რადგან პარტია დამოუკიდებლად მონაწილეობს არჩევნებში, ამიტომ ბუნებრივია, „რესპუბლიკური პარტია“ წინასაარჩევნოდ არის მისი წამყვანი პოლიტიკური პირების იმედად. პარტიის წამყვანი პოლიტიკური პირებიც იქნებიან პარტიის იმედად, როგორც პარლამენტის, ასევე მთავრობის წევრები“, - აღნიშნა დავით ბერძენიშვილმა.