საქართველოს პრემიერ-მინისტრმა, გიორგი კვირიკაშვილმა სტრასბურგში ვიზიტისას ჟურნალისტებს განუცხადა, საქართველოს ხელისუფლების პასუხისმგებლობა თუ რამდენად მნიშვნელოვანია რეგიონისთვის, რომ მთიან ყარაბაღში მშვიდობა იყოს შენარჩუნებული.

კვირიკაშვილმა იმედი გამოთქვა, რომ მთიანი ყარაბაღის კონფლიქტი მშვიდობიანი გზით დარეგულირდება. პრემიერ-მინისტრმა კონფლიქტის მხარეებს შესთავაზა, მშვიდობიანი მოლაპარაკებები საქართველოში გამართონ.

“მთიანი ყარაბაღის კონფლიქტის გამწვავებისთანავე მე რამდენიმე განცხადება გავაკეთე და მხარი დავუჭირე, კონფლიქტის მშვიდობიანი გზით დარეგულირებას.ჩვენ დაინეტერსებული ვართ, რომ კავკასიაში მშვიდობა იყოს. ამ კონფლიქტს შეუძლია, მთელ რეგიონში უსაფრთხოებაზე უარყოფითად აისახოს. ამიტომ ჩვენ ვაცნობიერებთ, რამდენად მნიშვნელოვანია, რომ მთიან ყარაბაღში მშვიდობა იყოს შენარჩუნებული. ამისთვის ჩვენ შეგიძლია შევთავაზოთ საქართველო მშვიდობიანი მოლაპარაკებების გამართვის ადგილად. მოხარული ვართ, რომ ბოლო პერიოდში მთიან ყარაბაღში ვითარების დეესკალაციის ნიშნებია შესამჩნევი. ვიმედოვნებთ, რომ ეს კონფლიქტი მშვიდობიანი გზით დარეგულირდება” -განაცხადა პრემიერ-მინისტრმა.