რის გამო კარგავენ ადამიანები სოციალურ დახმარებას - მინისტრი ძირითად მიზეზს ასახელებს

პოლიტიკა - 15:13, 20 Apr, 2016

3013

დავით სერგეენკომ პარლამენტის ჯანდაცვისა და სოციალურ საკითხთა კომიტეტის სხდომაზე იმ მიზეზებზე ისაუბრა, რის გამოც სოციალურად დაუცველებს დახმარება ეხსნებათ. ჯანდაცვის მინისტრის თქმით, ძირითადი შემთხვევები ბენეფიციარების მიერ დროებითი სამსახურის მიღებას უკავშირდება, რომლის შესახებაც ისინი ინფორმაციას სათანადო ორგანოებს არ აწვდიან, სისტემა კი მათ ავტომატურად ბლოკავს.

„თვეში დაახლოებით 5 ათასი კარგავს დახმარებას და ხუთი ათასი იძენს. უფრო ჩანს იმ საზოგადოების პოზიცია ვინც ეს შემოსავალი დაკარგა . მე შორს ვარ იმ აზრისგან, ვამტკიცო, რომ ეს მეთოდოლოგია დღეის მდგომარეობით იდეალურია, მაგრამ შემიძლია, გითხრათ, ჩვენი ანალიზით, 70%-ის შემთხვევაში რა იწვევს სოციალური დამხარების დაკარგვას. მე არ ვადანაშაულებ ბენეფიციარებს, ალბათ ეს ჩვენი სისტემის ბრალია, რომ არ ვუხსნით ამ ადამიანებს კარგად. მიზეზი არის ის, რომ თუ ამ ადამიანმა ნახა დროებითი სამსახური, ამის შესახებ ჩვენ უნდა შეგვატყობინოს, რადგან სხვა შემთხვევაში სისტემა მათ ავტომატურად ბლოკავს. მათ ზოგჯერ არ იციან, რომ უნდა შეგვატყობინონ, ზოგჯერ კი იმის ეშინიათ, რომ შეტყობინების შემთხვევაში დახმარებას დაკარგავენ . ეს არის ხარვეზი, რომლის გამოსწორებაზეც ჩვენ ვმუშაობთ. მინდა დაგიდასტუროთ, რომ როდესაც ასეთი შეტყობინება ჩვენთან შემოდის, ჩვენ ამაზე ვაკეთებთ რეაგირებას და ვცდილობთ გამოვასწოროთ.“ - აღნიშნა სერგეენკომ.