შორს ვარ აზრისგან, რომ სოციალურად დაუცველთათვის ქულების მინიჭების მეთოდოლოგია იდეალურია- სერგეენკო

პოლიტიკა - 15:09, 20 Apr, 2016

1323

ჯანდაცვის მინისტრის თქმით ის არ თვლის, რომ სოციალურად დაუცველებისთვის ქულების მინიჭების მეთოდოლოგია იდეალურია, თუმცა სერგეენკოს განცხადებით ამ სფეროს პოლიტიკური ფაქტორი ჩამოცილდა და ასევე შემცირდა სოციალური აგენტის სუბიექტური ფაქტორის წილიც. აღნიშნული განცხადება დავით სერგეენკომ პარლამენტის ჯანდაცვისა და სოციალურ საკითხთა კომიტეტის სხდომაზე გააკეთა:

„არჩევნების მოახლოებასთან ერთად სოციალურად დაუცველთა რაოდენობა ნახტომისებურად იზრდებოდა. ეს გამოიყენებოდა იმისთვის, რომ ადამიანებს დახმარების დანიშვნის სამაგიეროდ გარკვეული პოლიტიკური ნება გამოეხატათ. ვფიქრობ, რომ პოლიტიკური შემადგენლის ჩამოცილება შევძელით. მეორე ფაქტორი ნაწილობრივ რჩება პრობლემად- ეს არის სოციალურ აგენტი, რომელიც პირველად მონაცემებს კრებდა ოჯახის შესახებ. მას ჰქონდა საკმაოდ ფართო სიბუექტური ველი, რომ სიმპათიებით და ანტიპათიებით მიეღო გადაწყვეტილება, რაც საბოლოო ჯამში ქულებზე და საბოლოო ჯამში დახმარების დანიშვნა მოხსნაზე მნიშვნელოვნად აისახებოდა. ბოლო მეთოდოლოგიებმა ეს სუბიექტური ფაქტორი შეამცირა, თუმცა სულ ვერ მოსპო“- განაცხადა დავით სერგეენკომ.