"წარმოდგენილი 5 მოთხოვნიდან 4 დაკმაყოფილებულია"- კალაძე ინტერპარტიული ჯგუფის მოთხოვნებზე

პოლიტიკა - 12:20, 20 Apr, 2016

1403

საქართველოს ვიცე პრემიერის კახა კალაძის შეფასებით არასაპარლამენტო ოპოზიციის მიერ წამოყენებული მოთხოვნების უმეტესი ნაწილი ხელისუფლებამ შეასრულა. კალაძის თქმით „ოცნების“ ხელისუფლება დემოკრატიული პროცესების განვითარებას ხელს უწყობს და ამიტომ მათ ოპოზიციურ პარტიებთან წინა წლებისგან განსხვავებით სხვა მიდგომები აქვთ:

„გვახსოვს წლების განმავლობაში თუ რა დამოკიდებულება იყო ოპოზიციური პარტიების მიმართ, ჩვენ გვაქვს აბსოლუტურად განსხვავებული მიდგომები. დაახლოებით 5 პუნქტიანი მოთხოვნა იყო ამ პარტიების მხრიდან და მათ მიერ წარმოდგენილი მოთხოვნებუდან 4 დაკმაყოფილებულია, ეს რა თქმა უნდა მისასალმებელია. ჩენ ხელი უნდა შევუწყოთ ქვეყანაში დემოკრატიის განვითარებას, რასაც ეს ხელისუფლება მეოთხე წელია წარმატებით ახორციელებს.“- განაცხადა კახა კალაძემ.

შეგახსენებთ, გუში იუსტიციის სამინისტროში საარჩევნო საკითხებთან დაკავშირებით, ინტერპარტიულ ჯგუფსა და უმრავლესობის წევრებს შორის შეხვედრა გაიმართა, რომლის დასრულების შემდეგ არასაპარლამენტო ოპოზიციის წარმომადგენლებმა განაცხადეს, რომ ხელისუფლებას საარჩევნო რეფორმის განსახორციელებლად პოლიტიკური ნება არ აღმოაჩნდა.