"ვერ წარმოვიდგენდი რომ ხელისუფლების მხრიდან მსგავსი იმედგაცრუება გვექნებოდა"- კაციტაძე

პოლიტიკა - 20:49, 19 Apr, 2016

1751

"ახალი მემარჯვენეების" ლიდერის მამუკა კაციტაძის განცხადებით, ის მცირე პოზიტივი, რაც მას საარჩევნო საკითხებზე მომუშავე ჯგუფის შეხვედრის დაწყებამდე ქონდა, შეხვედრის მიმდინარეობისას გაუქრა. როგორც კაციტაძე აცხადებს მთავარი მოთხოვნები კვლავ შეუსრულებელია.

„ვერ წარმოვიდგენდი რომ ხელისუფლების მხრიდან მსგავსი იმედგაცრუება გვექნებოდა, მთავარი მოთხოვნები შეუსრულებელია.“- განაცხადა მამუკა კაციტაძემ შეხვედრის დასრულების შემდეგ.

ამასთანავე მამუკა კაციტაძე უმრავლესობის წევრის გიგა ბუკიას განცხადებასაც გამოეხმაურა, იმასთან დაკავშირებით, რომ ხელისუფლებამ ინტერპარტიული ჯგუფის 80% შეასრულა, კაციტაძის თქმით საინტერსეოა რომელი მოთხოვნების 80%-ის შესრულებაზეა საუბარი, როდესაც 5 პუნქტიანი მოთხოვნებიდან არცერთი არ შესრულებულა.

იუსტიციის სამინისტროში საარჩევნო საკითხებთან დაკავშირებით, ინტერპარტიულ ჯგუფსა და უმრავლესობის წევრებს შორის შეხვედრა ცოტა ხნის წინ დასრულდა. არასაპარლამენტო ოპოზიციის მიერ წამოყენებული 5 პუნქტიანი მოტხოვნები არჩევნების მოდელს. საარჩევნო ბარიერს, სარეკლამო დროს და ადმინისტრაციული რესურსის შეზღუდვას ეხებოდა.