2016 წლის არჩევნები ჩატარდება იმ სისტემით, რომელიც არის დღეს- გიგა ბუკია

პოლიტიკა - 19:24, 19 Apr, 2016

1271

არასაპარლამენტო ოპოზიცია იუსტიციის სამინისტროში უმრავლესობის წარმომადგენლებს ხვდება. შეხვედრაზე ოპოზიცია მათ მიერ მიერ შემუშავებულ წინადადებათა პაკეტზე მმართველი გუნდის პასუხებს ელოდება, არასაპარლამენტო ოპოზიციის მიერ წამოყენებული საკითხები არჩევნების მოდელს. საარჩევნო ბარიერს, სარეკლამო დროს და ადმინისტრაციული რესურსის შეზღუდვას ეხება.

როგორც შეხვედრის დაწყებამდე ჟურნალისტებთან უმრავლესობის წევრმა გიგა ბუკიამ განაცხადა, მმართველი გუნდი არასაპარლამენტო ოპოზიციასთან აღნიშნულ საკითხებზე ინტენსიურად თანამშრომლობდა, მათი მოთხოვნების 80% გათვალისწინებულია, თუმცა ბუკიამ ხაზგასმით აღნიშნა, რომ საარჩევნო მოდელის ცვლილებას, რაც მაჟორიტარული სისტემის გაუქმებას და პროპორციულ სისტემაზე გადასვლას გულისხმობს, „ქართული ოცნება“ არ აპირებს.

„დღეს საბოლოო პასუხებით ვართ წარმოდგენილი, მათი მოთხოვნების 80% გათვალისწინებულია, ჩვენ პირველსავე შეხვედრაზე განვუცხადეთ ინტერპარტიულის წევრებს, რომ საარჩევნო მოდელის ცვლილება ხელისუფლების მხრიდან არ იგეგმება, დანარჩენ საკითხებზე მზად ვართ მათი მოთხოვნები გავითვალისწინოთ. რაც შეეხება ბარიერის დაწევის საკითხს, ეს საკითხი ინიცირებულია პარლამენტში და მიმდინარეობს განხილვა, 2016 წლის არჩევნები ჩატარდება იმ სისტემით, რომელიც არის დღეს.“- განაცხადა ბუკიამ.