"რესპუბლიკელები" 25-მა წევრმა დატოვა - პროტესტი ერთნაირსქესიანთა ქორწინების მხარდაჭერისთვის თუ გარიგება ,,ოცნებასთან”

პოლიტიკა - 16:04, 18 Apr, 2016

4694

"ნიუპოსტის" ინფორმაციით სენაკში „რესპუბლიკური პარტიას" წევრები აქტიურად ტოვებენ. ჩვენი ინფორმაციით წასვლის შესახებ გადაწყვეტილება 25 - მა ადამიანმა უკვე მიიღო.
ისინი გადაწყვეტილების კონკრეტულ მიზეზებზე არ საუბრობენ, მაგრამ განმარტავენ, რომ არც სხვა პარტიაში გადასვლას არ აპირებენ.

პირად საუბრებში კი პარტიიდან წასულები ამბობენ, რომ გადაწყვეტილება "რესპუბლიკური პარტიის" ლიდერების მხრიდან ერთნაირსქესიანთა ქორწინებისთვის მხარის დაჭერამ განაპირობა.

მათი თქმით, ლიდერების გადაწყვეტილება ქრისტიანულ ცხოვრებას ეწინააღმდეგება.

25 ადამიანის წავსლასთან დაკავშირებით საკუთარი ვერსია აქვთ პარტიაში დარჩენილებს. მათი ინფორმაციით, სენაკელ "რესპუბლიკელთა" ნაწილი "ქართულმა ოცნებამ" გადაიბირა.

ამ ინფორმაციას კატეგორიულად უარყოფენ პარტიიდან წასულები და ირწმუნებიან, რომ მმართველ ძალას არ გარიგებიან.

"ნიუპოსტი" "რესპუბლიკური პარტიის" წევრს ხვიჩა ნაჭყებიას ესაუბრა. მან ჩვენთან საუბრისას არ დაადასტურა ინფორმაცია, რომ ყოფილი თანაპარტიელების გადაწყვეტილება ერთნაირსქესიანთა ქორწინების საკითხმა გამოიწვია.

"ისინი წავვლის მიზეზებზე არ საუბრობენ, ჩეთან მიზეზებზე საუბარი და მით უფრო თქვენ მიერ დასახელებულ საკითხზე საუბარი არ ყოფილა"- აცხადებს ნაჭყებია.