„ჩვენ მაშინაც ვთვლიდით, რომ მასშტაბური დაპირებების შეთავაზება არ იყო უპრიანი“- კახა შარტავა

პოლიტიკა - 13:19, 18 Apr, 2016

2081

„ეროვნული ფორუმის“ ლიდერი კახა შარტავა მიიჩნევს, რომ აუცილებელია შიდასახელისუფლებო რგოლების ტრანსფორმაცია, რესტუქტურიზაცია და ა.შ. ამ პროცესის გარეშე კი სამართლინობაზე ლაპარაკი ზედმეტია.
„მიუხედავად იმისა, რომ კოალიციამ დაამარცხა წინა რეჟიმი, ის, რაზეც ეს რეჟიმი იდგა, მოკრიბა და ფაქტობრივად, მასზე დადგა! აქედან გამომდინარე, ინტერესთა ჯგუფები უფრო გამრავლდა, ზოგი ახალია, ზოგი ძველი ან შერეული, რამაც უსამართლობის გამოსწორებას ხელი შეუშალა. შეიძლებოდა პოლიტიკური გადაწყვეტილებების მიღება, რომელიც თუნდაც იმ ხალხს დააკმაყოფილებდა, რომელთა ქონებაც სახელმწიფომ მიიტაცა და დღემდე მის საკუთრებაშია. ვფიქრობ, სისტემური ცვლილებებისათვის კოალიციური და გარდამავალი ხელისუფლება ნაკლებად ეფექტიანი იყო. თუმცა შეეძლო მოემზადებისა საფუძველი, რომელზეც შემდეგი ხელისუფლება გააგრძელებდა მუშაობას. აუცილებელია შიდასახელისუფლებო რგოლების ტრანსფორმაცია, რესტუქტურიზაცია და ა.შ. ამ პროცესის გარეშე სამართლინობაზე ლაპარაკი ზედმეტია. „ქართული ოცნების“ ერთ-ერთი დაპირება იყო პოლიტიკური ცხოვრების მონოპოლიზირებული პოლიტიკური სივრციდან მრავალპარტიულ, უფრო დემოკრატიულ სივრცეზე გადაყვანა. ის თავად უნდ გამხდარიყო მაგალითი იმისა, რომ დიდი ხნით „პოლიტიკურ მონსტრად“ არ უნდა შენარჩუნებულიყო. ვფიქრობ, ეს შესრულებულია. თუმცა ბევრი დაპირება კი, ალბათ, თავის დროზეც უფრო კეთილი სურვილი იყო. ჩვენ მაშინაც ვთვლიდით, რომ მასშტაბური დაპირებების შეთავაზება არ იყო უპრიანი“, - ამის შესახებ „ეროვნული ფორუმის“ ლიდერმა კახა შარტავამ „კვირის პალიტრასთან“ ექსკლუზიურ ინტერვიუში განაცხადა.

შეგახსენებთ, რომ პარტია „ეროვნულმა ფორუმმა“ 3 აპრილს კოალიცია „ქართული ოცნება“ და საპარლამენტო უმრავლესობა დატოვა. პარტია მომავალ საპარლამენტო არჩევნებში დამოუკიდებლად აპირებს მონაწილეობის მიღებას.