ირაკლი ალასანია აფხაზეთიდან დევნილ მოსახლეობას შეხვდა

პოლიტიკა - 16:36, 16 Apr, 2016

1466

დღეს, ‘’თავისუფალი დემოკრატების’’ ლიდერები ირაკლი ალასანია და გიორგი ცაგარეიშვილი სასტუმრო „კავკასია“-ს ტერიტორიაზე და მეზობელ ქუჩებზე მცხოვრებ აფხაზეთიდან დევნილ მოქალაქეებს შეხვდნენ. ლიდერებმა პირადად მოისმინეს ის პრობლები, რომლებიც მათ აწუხებთ. დევნილები მძიმე სოციალურ პირობებში იმყოფებიან. მათ არ გააჩნიათ ელემენტარული საცხოვრებელი პირობები. ადგილობრივებს აწუხებთ დაუკანონებელი საცხოვრებელი ფართები. პრობლემაა სამედიცინო მომსახურეობა და მედიკამენტები ინვალიდებისათვის, ვეტერანებისათვის და სოციალურად დაუცველებისათვის. ისინი მთავრობის მიერ ბედის ანაბარა არიან მიტოვებულნი და უიმედოდ ელიან დახმარებასა და პრობლემების მოგვარებას. ‘’თავისუფალი დემოკრატების’’ ლიდერებმა ირაკლი ალასანიამ დევნილებს პრობლემების გადაჭრის ხედვა შესთავაზა. ირაკლი ალასანიამ დეტალურად ისაუბრა სოციალურად დაუცველების პრობლემებზე, ეკონომიკურ კრიზისზე და სოციალური დახმარებების სისტემის გაუმჯობესების გზებზე. პარტიის ლიდერებმა ასევე დეტალურად განიხილა და გააცნო მოსახლეობას ‘’თავისუფალი დემოკრატების’’ ეკონომიკური პროგრამის ძირითადი პრიორიტეტები. ისაუბრა ახალ ინიციატივაზე, რომელიც უიმედო ვალების ჩამოწერას ითვალისწინებს. ირაკლი ალასანიამ დევნილებს ასევე გააცნო აფხაზეთში დაბრუნების შესახებ „თავისუფალი დემოკრატების“ ხედვა და გეგმა. ისაუბრა „თავისუფალი დემოკრატების“ ხელისუფლებაში მოსვლის შემდეგ იძულებით გადაადგილებულ ბავშვთა სწავლა-განათლებისთვის გათვალისწინებულ შეღავათებზე და ამ კუთხით დაგეგმილ ცვლილებებზე.