„ხუთშაბათს მე მაია ასათიანმა სრულ გონებაზე მყოფმა, წინასწარ განზრახვით დავარღვიე ყველა პროფესიული სტანდარტი“

სოც.მედია - 15:45, 16 Apr, 2016

50871

თოქ-შოუ „პროფილის“ შემოქმედებითი ჯგუშის მიერ მომზადებულ გადაცემას სტალინის შესახებ, რომელიც ადამიანთა გარკვეულ კატეგორიას წმინდანად მიაჩნია, ეთერში გასვლისთანავე დიდი გამოხმაურება მოჰყვა. სტალინის მიმდევრები, გადაცემის წამყვანს გაუნაწყენდნენ. რა თქმა უნდა, ყველა ერთ აზრზე არ ყოფილა და უმრავლესობამ აბსურდად მიიჩნია სტალინის, წმინდა სოსოდ მოხსენიება. რაც შეეხება მაია ასათიანს, საკუთარი აზრი პროფილშიც დააფიქსირა და მოგვიანებით სოციალურ ქსელშიც გამოაქვეყნა.
„1921 წლის 25 თებერვალს თანამედროვე ტელევიზია რომ ყოფილიყო და მე კოჯრის მისადგომებთან ჩართვაზე ვმდგარიყავი-დავარღვევდი ყველა პროფესიულ სტანდარტს და ვიქნებოდი იქ სადაც ჩემი ქვეყნის პოზიციაა! დიახ ხუთშაბათს მე მაია ასათიანმა სრულ გონებაზე მყოფმა, წინასწარ განზრახვით დავარღვიე ყველა პროფესიული სტანდარტი... ვიყავი ზედმეტად ემოციური და მიკეძოებული და ასეთი ვიქნები ყოველთვის, როცა საქმე საბჭოთა საქართველოში დაბრუნებას ეხება! დგება მომენტი, როცა ჩვენ ჯერ მოქალაქეები ვართ და შემდეგ ჟურნალისტები! p.s თქვენ იყავით მშვიდად ბატონებო, როცა ნახევრი დარბაზი, მათ შორის ახალგაზრდები სრული სერიოზულობით გიმტკიცებს, რომ ძია სოსო წმინდანი და რუსეთი მხსნელია! მე ეს არ შემიძლია და მე მგონი ეს ის დროა როცა ბრძოლაა საჭირო, ჰოდა ვიბრძოლებ!“ - წერს მაია ასათიანი.