დაპირებების 100%-ით შესრულება ბუნებაში არ ხდება- გიორგი კვირიკაშვილი

პოლიტიკა - 21:31, 15 Apr, 2016

1328

პრემიერის განცხადებით სოციალური უზრუნველყოფის სისტემა , მომავალში გახდება უფრო ფოკუსირებული იმ ფენებზე, რომლებსაც ეს უფრო მეტად სჭირდებათ. აღნიშნული განცხადება პრემიერმა 2012 წლის წინა საარჩევნო დაპირებებთან დაკავშირებით, ტელეკომპანია „ტაბულას“ ჟურნალისტის, თამარ ჩერგოლეიშვილის კითხვის საპასუხოდ გააკეთა, რომელიც კომუნალური გადასახადების შემცირებას და დევნილებისთვის ტარიფების განულებას ეხებოდა:

„დაპირებების 100%-ით შესრულება ბუნებაში არ ხდება, რაც შეეხება, , კიდევ ერთხელ ვამბობ, რომ ჩვენი სოციალური უზრუნველყოფის სისტემა , მომავალში გახდება უფრო ფოკუსირებული იმ ფენებზე, რომლებსაც ეს უფრო მეტად სჭირდებათ. არ ვიცი, რამდენად სიმართლეს შეესაბამება ის, რომ ბიძინა ივანიშვილმა გასცა დაპირება, თითქოს ხმის მიცემის შემთხვევაში დევნილები გათავისუფლდებოდნენ კომუნალური გადასახადებისგან, ათასნაირი ინფორმაცია ტრიალებს, ამას აუცილებლად გადავამოწმებ. რაც შეეხება დევნილებისთვის სოციალური უზრუნველყოფის დონეს და დაფარვას, სწორედ ამიტომ, სოციალური უზრუნველყოფის სისტემის მნიშვნელოვანი რეფორმა არის გასატარებელი. ეს იქნება ერთ-ერთი ქვაკუთხედი იმისა, რომ ჩვენ უფრო მეტი პრიორიტეტი გვექნება მოსახლეობის იმ ფენებზე, რომლებსაც უფრო მაღალი საჭიროება აქვთ", - განაცხადა პრემიერ-მინისტრმა.