"ბედნიერი საქართველოსთვის"– ლეონიდ ჩერნოვეცკიმ ქობულეთში პირველი ოფისი გახსნა

პოლიტიკა - 18:38, 15 Apr, 2016

3731

დღეს, 15 აპრილს, ქობულეთში, პარტიის „ბედნიერი საქართველოსთვის“ ქობულეთის ორგანიზაციის ოფისი გაიხსნა. ოფისის გახსნას პარტიის ლიდერი და დამფუძნებელი ლეონიდ ჩერნოვეცკი დაესწრო. ასევე, ოფისის გახსნას პარტიის წევრები და მისი მხარდამჭერები დაესწრნენ. ლეონიდ ჩერნოვეცკიმ შეკრებილ საზოგადოებას, მედიის წარმომადგენლებს სიტყვით მიმართა, დასახული მიზნები გააცნო და პარტიის გეგმებზე ისაუბრა. ლეონიდ ჩერნოვეცკიმ კიდევ ერთხელ აღნიშნა, რომ საპარლამენტო არჩევნებზე მისი პოლიტიკური ძალის წარმატებაში დარწმუნებულია.

„ბედნიერი საქართველოსთვის“ ქობულეთის ოფისი, აღმაშენებლის ქუჩა #130–ში მდებარეობს, სადაც პარტიაში გაწევრინების მსურველებს მისვლა ორშაბათიდან შეეძლებათ. საქართველოს სხვა რეგიონებში რეგიონალური ოფისების გახსნასთან დაკავშირებით საზოგადოება ინფორმაციას დამატებით მიიღებს.

ლეონიდ ჩერნოვეცკიმ მიერ დაფუძნებული პარტიის „ბედნიერი საქართველოსთვის“ მიზანი საქართველოს ეკონომიკური მდგომარეობის გაუმჯობესება, სოციალური ფონის გაუმჯობესება და ევროპული დონის საკანონმდებლო ბაზის შექმნაა. „ბედნიერი საქართველოსთვის“ მიმდინარე წლის საპარლამენტო არჩევნებში მონაწილეობის მისაღებად ემზადება.