არჩევნების თარიღის დანიშვნასა და წინასაარჩევნო პროცესისი დაწყებასთან დაკავშირებულ გაუგებრობას არასაპარლამენტო ოპოზიციის რიგებშიც ეხმაურებიან. გაერთიანებული დემოკრატიული მოძრაობის ერთ-ერთმა ლიდერმა, გიორგი ახვლედიანმა აღნიშნული გაუგებრობა ხელისუფლების მორიგ სირცხვილად შეაფასა:

"თუ ამ შემთხვევაში პრეზიდენტი და პრემიერმინისტრი ეკინკლავებიან და ერთმანეთს ჯიბრით ექცევიან იმის გამო, ხიდაშელი იქნება თუ არა მინისტრი, მაშინ ნიშნავს, რომ უფსკრულთან კი არა უფსკრულში ვართ. იმედი მაქვს, რომ პრეზიდენტის მხრიდან მეტი ლოგიკა იქნება ჩართული, რომ სულაც არ არის საჭირო ქვეყანაში 5 თვით ადრე საარჩევნო კამპანიის დაწყება. ამ საკითხის ამ დონეზე გააქტიურება კიდევ ერთი ძალიან სერიოზული სირცხვილია დღევანდელი ხელისუფლების, რომელსაც აშკარად ძალიან სერიოზულად კიკინები უჭერს", - განაცხადა გაერთიანებული დემოკრატიული მოძრაობის ერთ-ერთმა ლიდერმა, გიორგი ახვლედიანმა.