EPP-ის პოლიტიკური კოორდინატორი საქართველოსთან უვიზო რეჟიმის პროცესის წარმატებულ დასრულებას ელოდება

პოლიტიკა - 16:20, 15 Apr, 2016

1585

ევროპის სახალხო პარტიის კოორტინატორი მონიკა ჰოლმაიერი საქართველოსთან ვიზალიბერალიზაციის პროცესისი წარმატებულ დასრულებას ელოდება. ამის შესახებ მონიკა ჰოლმაიერმა, სტრასბურგში საქართველოს საგარეო საქმეთა მინისტრთან, მიხეილ ჯანელიძესთან გამართული შეხვედრის შემდეგ განაცხადა.
„ვფიქრობ, რომ ევროპარლამენტში ჩვენი კოლეგები ძალიან პოზიტიურად არიან განწყობილნი საქართველოს მიმართ, რადგან საქართველომ ბოლო ორი წლის განმავლობაში მართლაც დადებით შედეგებს მიაღწია. საქართველო ძალიან მჭიდროდ თანამშრომლობს როგორც ევროკავშირის წევრ ქვეყნებთან, ასევე ევროკომისიასთან. რაიმე დაბრკოლების არსებობის შემთხვევაში, დარწმუნებული ვარ, რომ ჩვენ მოკლე დროში გადავჭრით ამ პრობლემებს“ - განაცხადა მონიკა ჰოლმაიერმა. მისივე ინფორმაციით, ევროპარლამენტის მართლმსაჯულებისა და შინაგან საქმეთა კომიტეტში საქართველოს საკითხის განხილვა უახლოეს დღეებში მოხდება. ქ. სტრასბურგში საქართველოს საგარეო საქმეთა მინისტრის ვიზიტი 2016 წლის 13-14 აპრილს გაიმართა. ვიზიტის ფარგლებში, საქართველოს საგარეო საქმეთა მინისტრმა ევროპარლამენტსა და ევროპის საბჭოში შეხვედრები გამართა.