საპარლამენტო უმრავლესობის წარმომადგენელი, „რესპუბლიკური პარტიის“ წევრი ლევან ბერძენიშვილი წინასაარჩევნო კამპანიის დაწყების ვადებზე კომენტარს აკეთებს. დეპუტატი თვლის, რომ პრეზიდენტი დაიბნა და საჭიროა, რომ არსებულ სიტუაციაში გაერკვეს:

„პრეზიდენტი ამ საკითხში დაიბნა და მისი თანაშემწეები და მეგობრები იმის მაგივრად, რომ არკვევდნბენ საკითხს, კიდევ უფრო აბნელებენ, იმედი მაქვს რომ პრეზიდენტი გაერკვევა. რაც შეეხება კონტრასიგნაციას, მე არ მგონია, რომ იმ წარმოდგენებს, რომელიც მას აქვს, რომ 5 თვით ადრე დაიწყება საარჩევნო კამპანია, პრემიერმა მხარი დაუჭიროს. ცუდია, რომ პრეზიდენტმა კონსულტაციებს მანამდე არ მიმართა და ახლა ცდილობს სახე შეინარჩუნოს“, - განაცხადა ლევან ბერძენიშვილმა.