არჩევნების თარიღსა და წინასაარჩევნო კამპანიის დაწყების ვადებს „ერთიან ნაციონალურ მოძრაობაში“ ეხმაურებიან. სერგო რატიანის განცხადებით, კრიზისი მდგომარეობს იმაში, რომ ქვეყანას ბიძინა ივანიშვილი არაფორმალურად მართავს:

„ქვეყნის ორი უმაღლესი თანამდებობის პირი შეხვდა ერთმანეთს და ვერ გადაწყვიტეს უმარტივესი საკითხი, ისინი უბრალოდ არაკომპეტენტურები არიან ელემენტარული საკითხის გადაწყვეტაში. მოატყუეს თუ არა ერთმანეთს, მათ უნდა გაარკვიონ. კრიზისი მდგომარეობს იმაში, რომ ქვეყანას არაფორმალურად ბიძინა ივანიშვილი მართავს და მას ხან ექვემდებარება რომელიღაცა შტო, ხან ვერ ექვემდებარება, სწორედ ეს ქმნის კრიზისს“, - განაცხადა სერგო რატიანმა.