საქართველოს პრეზიდენტის ადმინისტრაციის უფროსი, გიორგი აბაშიშვილი პარლამენტის თავდაცვისა და უშიშროების კომიტეტის თავმჯდომარის განცხადებებს პასუხობს. აბაშიშვილის განმარტებით, თანამდებობის პირმა პრეზიდენტისა და მთავრობის სარეზერვო ფონდების ერთმანეთისგან გარჩევა უნდა შეძლოს. ამის შესახებ მან ტელეკომპანია „მაესტროს“ პირდაპირ ეთერში ისაუბრა:

„მოვისმინეთ სარეზერვო ფონდთან დაკავშირებით, პარლამენტის ერთ-ერთი წევრის, თავდაცვისა და უშიშროების კომიტეტის თავმჯდომარის, უშიშროების საბჭოს წევრის ირაკლი სესიაშვილის განცხადება, ასეთი თანამდებობის მქონე ადამიანი როდესაც ერთმანეთისგან ვერ არჩევს მთავრობისა და პრეზიდენტის სარეზერვო ფონდს და საუბრობს, რომ პრეზიდენტის სარეზერვო ფონდი თურმე სტიქიური უბედურებების დროს გამოიყენება, ასეთი კვალიფიკაციით თუ უნდა ვიმსჯელოთ არჩევნების პროცესთან დაკავშირებით, ეს არ გამოვა და ყოველთვის, გარკვეული ტიპის პრობლემას შექმნის. კვალიფიციური დისკუსიისა და შეთანხმებების დავისთვის ყოველთვის მზად არის საქართველოს პრეზიდენტი და ეს მზაობა ჩვენგან ყოველთვის ხაზგასმული იქნება“, - განაცხადა გიორგი აბაშიშვილმა.