იმ შემთხვევაში თუ ყველა მხარე ქვეყნის ინტერესების დაცვით იხელმძღვანელებს, პრეზიდენტის მრჩეველი პოლიტიკურ კრიზისს გამორიცხავს. კახა კოჟორიძის განცხადებით, იგი დარწმუნებულია, რომ პრემიერ-მინისტრი არ მიიღებს ისეთ გადაწყვეტილებას, რომელიც პროცესებს ჩიხში შეიყვანს.

მისივე განმარტებით, არჩევნები ოქტომბერში აუცილებლად გაიმართება, მაგრამ კონკრეტული რიცხვის დასახელებისგან თავს იკავებს.

„არავითარი პოლიტიკური კრიზისის პროცესში ქვეყანა არ არის, ყველა თუ ამოვა სახელმწიფოებრივი ინტერესებიდან, მაშინ ყოველგვარი პრობლემა დაუყოვნებლივ მოიხსნება, არჩევნები აუცილებლად ჩატარდება 2016 წლის ოქტომბერში და დარწმუნებული ვარ, რომ პრემიერ-მინისტრი, საქართველოს მთავრობა არ მიიღებს ისეთ გადაწყვეტილებას, რომელმაც შესაძლოა ეს პროცესი გარკვეულ ჩიხში შეიყვანოს. ამ შემთხვევაში არ არის მთავარი ვის რა შეეშალა, მაგრამ პრეზიდენტის პოზიცია, რომ ეს აქტი იყო შეთანხმებული მთავრობასთან და მისი ინიციატივით ჩაიწერა 8 აგვისტო ეს ასეა“, - განაცხადა კახა კოჟორიძემ.