საია-ს ანგარიშში პარლამენტარისთვის პიჯაკის შემოხევის საქმეც მოხვდა

პოლიტიკა - 15:07, 14 Apr, 2016

1427

საქართველოს ახალგაზრდა იურისტთა ასოციაციის მიერ ჩატარებული სისხლის სამართლის პროცესების მონიტორინგის ანგარიშში მოხვდა, საპრლამენტო უმრავლესობის დეპუტატისთვის ე.წ. პიჯაკის შემოხევის შემთხვევაც, რის გამოც სასამართლომ სამ ბრალდებულს პატიმრობა შეუფარდა. ბრალდებულები "თავისუფალი ზონის" წარმომადგენლები გახლდნენ.

საია-ს წარმომადგენლის, გოგა ხატიაშვილის განმარტებით, მათთვის სრულიად დაუსაბეუთებელია თუ რატომ მიიღო მოსამართლემ ბრალდებულების პატიმრობა.

"საიამ გამოითხოვა სასამართლოს განჩინება, რომელიც ცალსახად დაუსაბუთებელია. სასამართლო ზოგადად უთითებს აღკვეთის ღონისძიების გამოყენების საფუძველზე და არ საუბრობს კონკრეტულ ფაქტობრივ გარემოებებზე, რომელიც ადასტურებს აღკვეთის ღონისძიების მიზნების შეუსრულებლობის საფრთხეებზე", - განაცხადა ანგარიშის წარდგენის დროს გოგა ხატიაშვილმა.

"თავისუფალი ზონის" წარმომადგენლები 2015 წლის 2 ნოემბერს პარლამენტთან რუსთავი 2-ის მხარდამჭერ აქციაზე მომხდარ ინცინენტთან დაკავშირებით დააკავეს. "თავისუფალი ზონის" წევრებს საპარლამენტო უმრავლესობის დეპუტატის, დავით ლორთქიფანიძის მიმართ გამოვლენილი ფიზიკური და სიტყვიერი შეურაცხყოფის გამო ედავებოდნენ.

ზემოთ აღნიშნული ანგარიში წარმოდგენილია 1090 სხდომის დაკვირვების შედეგად, რომელიც თბილისისა და ქუთაისის საქალაქო და სააპელაციო სასამართლოებში გაიმართა.

საია სისხლის სამართლის პროცესების მონიტორინგის ანგარიშს 2011 წლიდან ახორცილებს. ამ პერიოდში მოხდა საზოგადოებისთვის რვა ანგარიშის წარდგენა. აღნიშნული მონიტორინგი ხორციელდება აშშ საერთაშოროსო განვითარების სააგენტოს დაფინანსებით, პროქტის "კანონის უზენესობის მხარდაჭერა საქართველოში" (PROLOG) მეშვეობით.