IRI კვლევის შედეგებს, დაახლოებით, 14 დღეში გამოაქვეყნებს

პოლიტიკა - 14:56, 14 Apr, 2016

1440

საერთაშორისო რესპუბლიკური ინსტიტუტი (IRI) საზოგადოებრივი აზრის კვლევის შედეგებს დაახლოებით 14 დღეში წარადგენს. ინფორმაცია ამის შესახებ "ნიუპოსტს" ორგანიზაციის წარმომადგენელმა ლადო რაზმაძემ დაუდასტურა. IRI - ში აცხადებენ, რომ
გამოკითხის შედეგების გამოქვეყნებამდე ის პარტიებსა და საელჩოებს გადაეგზავნებათ.

რაც შეეხება ”ეროვნულ-დემოკრატიული ინსტიტუტს” NDI-იმ პოლიტიკური ნაწილის შედეგები გუშინ გაასაჯაროვა.

ცნობისთვის, საქართველოს მასშტაბით კვლევის საველე სამუშაოები 23 თებერვლიდან 14 მარტამდე პერიოდში ჩატარდა. გამოკითხვაში მონაწილეობა 3 900 - მა პირმა პირისპირ ინტერვიუს წარმომადგელობითი შერჩევის საფუძველზე მიიღო.

კვლევის თანახმად, ამომრჩეველთა 61 პროცენტს არ აქვს გადაწყვეტილი, თუ ვის მისცემს ხმას არჩევნებზე. 34 პროცენტი კი ამბობს, რომ არჩევნებში მიიღებს მონაწილეობას.

გამოკითხულთა 29 პროცენტი აცხადებს, რომ არცერთი პარტია არ დგას მის შეხედულებებთან ახლოს. 16 პროცენტის თქმით, მათ შეხედულებებთან ახლოს დგას ქართული ოცნება, 15 პროცენტისთვის - ნაციონალური მოძრაობა, 9 პროცენტისთვის - თავისუფალ დემოკრატები, 5 პროცენტისთვის - ლეიბორისტული პარტია, 5 პროცენტისთვის - პატრიოტთა ალიანსი.