სამართლებრივი აქტი როცა გვექნება ხელში მაშინ გვეცოდინება როდის იწყება საარჩევნო კამპანია- ძიძიგური

პოლიტიკა - 14:31, 14 Apr, 2016

1049

პრეზიდენტის განცხადებას იმასთან დაკავშირებით, რომ ის საპარლამენტო არჩევნებთან დაკავშირებით ახალ განკარგულებას 2016 წლის მაისში გამოსცემს. საპარლამენტო უმრავლესობის წევრი ზვიად ძიძიგური გამოეხმაურა. ძიძიგურის თქმით აღნიშნულ გადაწყვეტილებაზე პრემიერმა და პრეზიდენტმა შეთანხმებას უნდა მიაღწიონ:

„კონსტიტუციის მიხედვით ვერც პრეზიდენტი და ვერც პრემიერი ცალკე აღებული ვერ მიიღებს გადაწყვეტილებას არჩევნების თარიღთან დაკავშირებით, საჭიროა ორივეს თანხმობა. ამიტომ დაველოდოთ მოვლენების განვითარებას, სამართლებრივი აქტი როცა გვექნება ხელში მაშინ გვეცოდინება როდის იწყება საარჩევნო კამპანია, თორემ არჩევნების თარიღთან დაკავშირებით არავის არ აქვს საკამათო, ჩატარდება 8 ოქტომბერს.“- განაცხადა ზვიად ძიძიგურმა.

შეგახსენებთ საქართველოს მთავრობის ადმინისტრაციამ პრეზიდენტის ადმინისტრაციას არჩევნების თარიღთან დაკავშირებულ განკარგულებაზე მოტივირებული შენიშვნები გაუგზავნა, გიორგი კვირიკაშვილის მოსაზრებით ვინაიდან წინასაარჩევნო პერიოდად აღებული უნდა იყოს 3 თვე, უმჯობესი იქნება, თუკი პრეზიდენტი არჩევნებთან დაკავშირებულ განკარგულებას 8 ივლისს გამოაქვეყნებს. საქართველოს პრეზიდენტის განცხადებით კი ის საპარლამენტო არჩევნებთან დაკავშირებით ახალ განკარგულებას 2016 წლის მაისში გამოსცემს. როგორც გიორგი მარგველაშვილმა ჟურნალისტებთან განაცხადა დოკუმენტი, რომელსაც მთავრობამ ხელი არ მოაწერა, შეთანხმებული იყო თავად მთავრობასთან.