„ნაციონალური მოძრაობის“ წევრმა ეკატერინე ხერხეულიძემ დღეს პარლამენტში ივანიშვილი და „ქართული ოცნება“ გააკრიტიკა.

ხერხეულიძე სესიაზე სიტყვით გამოსვლისას დღეს პარლამენტის სხდომათა დარბაზში მომხდარ სიტყვიერ დაპირისპირებას გამოეხმაურა, რომელიც პროცედურულ საკითხებს მოჰყვა.

„თქვენი სურვილი არის სხვა, თქვენი ნება, რომ იყოს საქართველოს პარლამენტში ოპოზიციის ნაცვლად ან თუნდაც თქვენს მომხრედ შემოიყვანდით და შემოიტანდით ივანიშვილის მიერ მოთხრილ ხეს, რომელსაც გადასცემდით დეპუტატის მანდატს. რამდენად მიუღებელიც არ უნდა იყოს ჩვენი მხრიდან განსხვავებული აზრის დაფიქსირება, თქვენ ვალდებული ხართ აიტანოთ, მოითმინოთ და მოისმინოთ ეს,“-განაცხადა ეკა ხერხეულიძემ.